Darııa boıyndaǵy qorǵanys bógetteri nyǵaıtylyp jatyr - Qyzylorda
QYZYLORDA. QazAqparat -Búgin Qyzylorda oblysynda Óńirlik kommýnıkatsııalar qyzmetiniń uıymdastyrýymen sý tasqyny qaýpiniń aldyn alý sharalarymen tanysý maqsatynda baspasóz týry ótýde.
Jýrnalıster aldymen Syrdarııa aýdanynda bolyp, atqarylyp jatqan jumystarǵa qanyqty, dep habarlady QazAqparat tilshisi.
- Syrdarııa aýdany boıynsha sý basý qaýpiniń aldyn alý maqsatynda búgingi kúni aýdanda shedel shtab qurylyp, qazirgi kezde qorǵanys bógetterin nyǵaıtý jumystary júrgizilýde. Búgingi kúni aýdan boıynsha sý basý qaýpi aýmaǵynda ornalasqan 3 eldi meken turǵyndaryna eskertpe hattar men habarlamalar taratylyp berildi. Sonymen qatar, aýdandaǵy qorǵanys bógetterindegi 7 jerde nyǵaıtý jumystary júrip jatyr, - dedi aýdan ákiminiń orynbasary Baqytjan Lekerov.
