Daryndy oqýshylarmen jumysty tsıfrlandyrý: ulttyq platforma qurylady
ASTANA. Kazinform – Daryndy oqýshylarmen jumysty tsıfrlandyrý aıasynda ulttyq platforma qurylyp jatyr. Bul týraly «Daryn» respýblıkalyq ǵylymı-praktıkalyq ortalyǵynyń dırektory Gajdembek Tursynov aıtty.
— Qazirgi ýaqytta daryndy oqýshylarmen jumysty tsıfrlandyrý máseleleri qolǵa alynyp jatyr. Mysaly, Smart Daryn ulttyq tsıfrlyq platformasy qurylyp jatyr. Bul joba mektepter, muǵalimder men oqýshylar arasyndaǵy ózara árekettesýdi jeńildetý, bilim berý resýrstaryna tikeleı qoljetimdilikti qamtamasyz etý jáne bilim berý protsesindegi baılanys sapasyn arttyrý turǵysynan mańyzdy qadam bolmaq, — dedi ol OKQ alańynda.
Sondaı-aq spıker daryndy balalarmen jumys isteıtin pedagogterdi de qalyptastyrýǵa mán beriletin aıtty.
— DARYN ALUMNI qazaqstandyq jattyqtyrýshylar pýlyn damytý jalǵasady, bul erekshe qabiletti balalarmen jumys isteý úshin joǵary bilikti mamandardy tartýdy qamtamasyz etedi. Osy baǵytta halyqaralyq olımpıadalarda joǵary nátıjelerge qol jetkizgen mektepterdiń tabysty tájirıbelerin taratýǵa kómektesetin assotsıatsııalar qurylady, — deıdi Gajdembek Tursynov.
Aıta keteıik, elimizde shalǵaı aýyldarda turatyn daryndy oqýshylardy olımpıadaǵa daıyndaıtyn onlaın mektep ashyldy.
Sondaı-aq halyqaralyq olımpıadada jeńiske jetken oqýshylardyń qansha syıaqy alatynyn jazǵan edik.