Daryndy balalardyń ustazdaryna syıaqy berý usynyldy – zań jobasy

ASTANA. KAZINFORM – Elimizde jarystarda ozat bolǵan oqýshylardyń ustazdaryna bir rettik syıaqy berýdi zańdastyrý máselesi qaralyp jatyr.

- Ótken jyly biz eń bedeldi halyqaralyq ǵylymı baıqaýlardyń jeńimpazdaryna UBT tapsyrmaı-aq memlekettik grantpen oqýǵa túsý múmkindigin berý týraly zańdy qabyldadyq. Oǵan qosa, «Bolashaq» baǵdarlamasy aıasynda bakalavrıat deńgeıinde shetelderdiń ozyq ýnıversıtetterine túsý quqyǵyn berdik. Endi biz qarastyryp otyrǵan zań jobasynda sol daryndy balalardy daıyndaǵan ustazdarǵa bir rettik syıaqy berý týraly norma engizilip otyr, - dedi Májilis depýtaty Ashat Aımaǵambetov Májilistiń jalpy otyrysynda.

Halyq qalaýlysynyń aıtýynsha, atalǵan shara jastardyń ǵylymı áleýetin damytýǵa jáne talantty oqýshylardy yntalandyrý úshin mańyzdy.

Aıta keteıik, búgin Qazaqstan Respýblıkasynyń keıbir zańnamalyq aktilerine mádenıet jáne bilim berý máseleleri boıynsha ózgerister men tolyqtyrýlar engizý týraly» zań jobasy Májilistiń birinshi oqylymynda qaralyp jatyr. Sonymen qatar zań jobasynda oqýshylarǵa arnalǵan «Aqylman» kartasyn engizý qarastyrylǵan.

- Aqylman kartasy mektep oqýshylaryna mádenı uıymdarǵa barýǵa múmkindik beredi, osylaısha olardyń eldiń mádenı ómirine aralasý deńgeıin arttyrady. Mundaı bastamalardyń sheteldik tájirıbede sátti júzege asyrylyp jatqanyn atap ótken jón. Mysaly, Frantsııa, Germanııa, Italııa, Ispanııa sııaqty elderde osyndaı kartalarmen oqýshylar mýzeılerge, teatrlarǵa, kórmelerge jáne basqa da mádenı nysandarǵa jeńildetilgen túrde barý múmkindigin, - deıdi A.Aımaǵambetov.

Jyl basynda «Bolashaq» arqyly daryndy oqýshylardy bakalavrıatqa qalaı túsirýge bolatyny týraly jazǵan edik.