«Daryndy bala boldy». Muǵalimder ushaq apatynan kóz jumǵan oqýshy týraly aıtty

ASTANA. KAZINFORM — Aqtaý irgesindegi ushaq apatynan 11 jasar Eldar Jumaǵat pen onyń anasy qaza tapqan edi.

Muǵalimderdiń aıtýynsha, Eldar — daryndy, meıirimdi, ári eńbekqor bala bolǵan.

— Jańa ǵana áýe apaty saldarynan qaza tapqandar týraly tyń derekter belgili boldy. Olardyń arasynda 11 jasar Eldar Jumaǵat pen onyń anasy da bar. Muǵalimderdiń aıtýynsha, Eldar — daryndy, meıirimdi, ári eńbekqor bala bolǵan. Ol barlyq tanystarynyń júreginde jarqyn iz qaldyrdy. Oqý-aǵartý mınıstrligi qaza bolǵandardyń otbasyna kóńil aıtyp, olardyń qaıǵysyna ortaqtasady, — delingen habarlamada.

Eske salsaq, Ázerbaıjan elordasy Bakýden Reseıdiń Groznyı qalasyna baǵyt alǵan áýe kemesi Qazaqstan aýmaǵynda apatqa ushyrady.

Buǵan deıin elimizdiń Tótenshe jaǵdaılar mınıstrligi Aqtaý qalasy mańyndaǵy áýe apatynan mert bolǵan otandastarymyzdyń aty-jónin jarııalady.

Úkimet basshysynyń orynbasary Qanat Bozymbaev ushaqtyń qırandysy arqyly apattyń sebep-saldary anyqtalatynyn aıtqan edi.

Sondaı-aq, ushaq apatynan qaza tapqan qazaqstandyqtardyń otbasylaryna qarjylaı kómek kórsetiletini aıtyldy.