«Daryn» syılyǵynyń ıegerlerine 1 mln teńgeden beriledi

ASTANA. KAZINFORM – 26 maýsymnan bastap «Daryn» syılyǵyna úmitkerlerdiń qujatyn qabyldaý bastaldy. Ótinimder 27 tamyzǵa deıin qabyldanady.

Bul týraly «Daryn» Memlekettik jastar syılyǵy jáne «Táýelsizdik urpaqtary» granty máseleleri boıynsha ótken baspasóz konferentsııasynda QR Mádenıet jáne aqparat mınıstriniń Jastar jáne otbasy isteri komıtetiniń tóraǵasy málimdedi.

– Bıyl 26 maýsymda «Daryn» syılyǵyna úmitkerlerdiń qujatyn qabyldaý bastaldy. Ótinimderdi qabyldaý 27 tamyzǵa deıin júrgiziledi. Tolyq aqparatty Qazaqstan Respýblıkasy Mádenıet jáne aqparat mınıstrliginiń resmı saıtynan bile alasyzdar, – dedi Qaırat Qambarov.

Memlekettik jastar syılyǵyna úmitkerler eki kezeńnen turatyn irikteý arqyly jan-jaqty tekserilip, baǵalanady.

– Syılyq alýǵa usynylǵan úmitkerlerdi komıssııa 2 kezeńde qaraıdy. 1-kezeńde jan-jaqty qaraý maqsatynda komıssııa mynadaı baǵyttar boıynsha 6 sektsııa qurady:

1. estrada, klassıkalyq mýzyka, halyq shyǵarmashylyǵy;

2. ádebıet, teatr jáne kıno;

3. jýrnalıstıka jáne qoǵamdyq qyzmet;

4. sport;

5. dızaın jáne beıneleý óneri;

6. ǵylym.

2-kezeńde komıssııa sektsııa otyrysy shyǵarǵan nátıjeni negizge ala otyryp, syılyq berý týraly sheshim qabyldaıdy, – deıdi komıtet tóraǵasy.

«Daryn» syılyǵy úmitkerlerine qoıylatyn negizgi talaptar:

* 14-35 jas aralyǵyndaǵy jastar;

* Halyqaralyq jáne respýblıkalyq konkýrstardyń, festıvaldar men kórmelerdiń laýreattary;

* Respýblıkalyq jáne halyqaralyq deńgeıdegi sporttyq jarystardyń júldegerleri men jeńimpazdary;

* Sondaı-aq ǵylymı qyzmetkerler bolýy tıis.

Laýreattarǵa 1 mln teńge kóleminde qarjylaı syılyq tabystalady.

– Ortalyq, jergilikti memlekettik organdar, oqý oryndary, shyǵarmashylyq uıymdar men qoǵamdyq birlestikter syılyq alýǵa laıyqty jastardyń kandıdatýrasyn usynady. Syılyqqa ıe bolǵan jastarǵa «Daryn» memlekettik jastar syılyǵynyń laýreaty ataǵy beriledi. Tósbelgi, dıplom jáne aqshalaı syıaqy tabystalady. 2024 jyldan bastap, «Daryn» syılyǵynyń kólemi 1 nomınatsııa boıynsha 1 mln teńgege kóterildi, – deıdi mınıstrlik mamany.

Osyǵan deıin Mádenıet mınıstrligi vedomstvolyq marapattardyń orynsyz taratylý deregi tirkelgen joq ekendigi týraly málim etti.