Daryn Shamuratov Atyraý oblysy ákiminiń orynbasary bolyp taǵaıyndaldy
ATYRAÝ. KAZINFORM – ️ Búgin Prezıdent Ákimshiliginiń kelisimimen oblys ákiminiń ókimimen Daryn Shamuratov Atyraý oblysy ákiminiń orynbasary laýazymyna taǵaıyndaldy.
Daryn Dúısembaıuly Inder aýdanynda týǵan. M.Ótemisov atyndaǵy Batys Qazaqstan memlekettik ýnıversıtetin geografııa pániniń muǵalimi, Batys Qazaqstan ınjenerlik-gýmanıtarlyq ýnıversıtetin qarjyger mamandyǵy boıynsha bitirgen.
Eńbek jolyn 2009 jyly Inder aýdanyndaǵy Bódene aýyldyq okrýgi ákimi apparatynda bas mamannyń mindetin ýaqytsha atqarýshy bolyp bastaǵan. 2009-2012 jyldary Inder aýdany ákimi apparaty jalpy bóliminiń bas mamany, jalpy bólimniń meńgerýshisi bolǵan.
2012-2017 jyldary Inder aýdany ákimi apparatynyń basshysy, 2017-2021 jyldary Inder aýdany ákiminiń orynbasary bolyp jumys istegen.
Al, 2021-2022 jyldary Atyraý oblysy ákimi apparaty basshysynyń orynbasary bolyp taǵaıyndalǵan. Osy taǵaıyndaýǵa deıin Inder aýdanynyń ákimi laýazymyn atqaryp keldi.
Eske sala ketelik, buǵan deıin Atyraý oblystyq Bilim basqarmasynyń basshysy taǵaıyndalǵanyn habarlaǵan bolatynbyz.
