Daryn Qonysbaev trıatlonnan Azııa kýbogynda top jardy
ASTANA. KAZINFORM — Qyrǵyzstannyń Sholpan-Ata qalasynda trıatlonnan Azııa kýbogynyń kezeńi ótti.
Qazaqstandyq sportshy Daryn Qonysbaev erler arasyndaǵy básekede altyn medal jeńip aldy. Otandasymyz jarys jolyn 1:00:49 ýaqytta baǵyndyrdy.
Grıgorıı Antıpov (Reseı) kúmis medalǵa ıe boldy - 01:01:01. Taǵy bir reseılik sportshy Alekseı Petrovskıı úzdik úshtikti túıindedi - 01:01:17.
Al Ramazan Áınegov 20-oryn, Elmurat Qanaı 25-oryn, Nurasyl Saparbek 26-oryn, Fedor Kýznetsov 30-oryn, Arsenıı Shevchenko 31-oryn, Matveı Shevnın 35-oryn, Álınabı Maralbekov 40-orynǵa turaqtady.
Áıelder arasynda úzdik nátıjeni Alýa Nurmuhamet kórsetti. Ol 14-orynǵa ıe boldy. Al Kalerııa Shneıder 18-oryn, Arına Shýlgına 19-oryn, Ramına Agabaev 20-oryn, Veronıka Ivanıýk 22-orynǵa jaıǵasty.
