Daryn Qonysbaev trıatlonnan Azııa kýbogynda chempıon atandy

ASTANA. KAZINFORM — Aqmola oblysynyń Býrabaı qalasynda ótken trıatlonnan Azııa kýbogynda eresekter arasynda Daryn Qonysbaev chempıon atandy.

Atalǵan jarysqa Azııa qurlyǵyndaǵy Ońtústik Koreıa, Qyrǵyzstan, Qazaqstan, Ózbekstan jáne Japonııadan basqa Belarýs, Chehııa, Germanııa, Moldova, Reseı, Estonııa, Túrkııadan 120-dan astam sportshy qatysty.

Týrnır World Triathlon uıymynyń qurlyqtyq kúntizbesi aıasynda ótti. Ol Álem jáne Azııa chempıonattary aldyndaǵy mańyzdy daıyndyq esebinde uıymdastyryldy.
Elıta sanatynda erler arasynda qazaqstandyq Daryn Qonysbaev 1:46:28 nátıjesimen jeńimpaz atandy. Odan keıingi oryndardy reseılik Roman Mıneev pen germanııalyq Tıll Kramp ózara bólisti.

Al qyzdar arasyndaǵy jasóspirimder sanatynda el quramasynan Dıana Erjanova altyn medalǵa ıe boldy. Kórsetkishi — 1:08:20. Ózbekstandyq Dıana Bıktımırova men qazaqstandyq Ánel Isabaeva úzdik úshtikten kórindi.

Al erler arasyndaǵy jasóspirim sanatynda elimizdiń atynan qatysqan Elmurat Qanaı, Ilıa Krýpıakov, Ramazan Aınegov júldeli oryndarǵa ilikti.

Eske salsaq, budan buryn qazaqstandyq taekvondoshylar halyqaralyq týrnırlerde 8 medal aldy.