Dárilik zattarǵa, medıtsınalyq maqsattaǵy buıymdarǵa jáne medıtsınalyq tehnıkaǵa jatpaıtyn taýarlardyń tizbesi bekitildi
«QazAqparat» HAA qujattyń mátinin jarııalaıdy.
Qazaqstan Respýblıkasy Densaýlyq saqtaý jáne áleýmettik damý mınıstrliginiń buıryǵy №516
2015 jylǵy 25 maýsym ,Astana qalasy
Dárilik zattarǵa, medıtsınalyq maqsattaǵy buıymdarǵa jáne medıtsınalyq tehnıkaǵa jatpaıtyn taýarlardyń tizbesin bekitý týraly
«Halyq densaýlyǵy jáne densaýlyq saqtaý júıesi týraly» Qazaqstan Respýblıkasynyń 2009 jylǵy 18 qyrkúıektegi Kodeksiniń 69-babynyń 3 - tarmaǵyna sáıkes buıyramyn:
1. Qosa berilip otyrǵań Dárilik zattarǵa medıtsınalyq maqsattaǵy buıymdarǵa jáne medıtsınalyq tehnıkaǵa jatpaıtyn taýarlardyń tizbesi bekitilsin.
2. Qazaqstan Respýblıkasy Densaýlyq saqtaý jáne áleýmettik damý mınıstrliginiń Medıtsınalyq jáne farmatsevtıkalyq qyzmetti baqylaý komıteti belgilengen tártippen:
1) osy buıryqty Qazaqstan Respýblıkasy Ádilet mınıstrliginde memlekettik tirkeýdi;
2) osy buıryqty Qazaqstan Respýblıkasy Ádilet mınıstrliginde memlekettik tirkegennen keıin kúntizbelik on kún ishinde merzimdi baspasóz basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberýdi;
3) osy buıryqty Qazaqstan Respýblıkasy Densaýlyq saqtaý jáne áleýmettik damý mınıstrliginiń ınternet-resýrsynda ornalastyrýdy;
4) osy buıryqty Qazaqstan Respýblıkasy Ádilet mınıstrliginde memlekettik tirkegennen keıin on jumys kúni ishinde Qazaqstan Respýblıkasy Densaýlyq saqtaý jáne áleýmettik damý mınıstrliginiń Zań qyzmeti departamentine osy tarmaqtyń 1), 2) jáne 3) tarmaqshalarynda kózdelgen is-sharalardyń oryndalýy týraly málimetterdi usynýdy qamtamasyz etsin.
3. Osy buıryqtyń oryndalýyn baqylaý Qazaqstan Respýblıkasynyń Densaýlyq saqtaý jáne áleýmettik damý vıtse-mınıstri A.V. Tsoıǵa júktelsin.
4. Osy buıryq onyń alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Densaýlyq saqtaý jáne áleýmettik
damý mınıstri T. DÚISENOVA
Qazaqstan Respýblıkasy Densaýlyq saqtaý jáne áleýmettik damý mınıstriniń
2015 jylǵy 25 maýsymdaǵy № 516 buıryǵymen bekitilgen
Dárilik zattarǵa medıtsınalyq maqsattaǵy buıymdarǵa jáne
medıtsınalyq tehnıkaǵa jatpaıtyn taýarlardyń tizbesi
1. Naýqastardy kútýge arnalǵan zattar:
1) aplıkatorlar, sonyń ishinde magnıtoforlyq rezeńkeden jasalǵandary;
2) qan soratyn bankiler;
3) pergamentti, balaýyz, komprestik qaǵaz;
4) kózdi shaıýǵa arnalǵan vannochkalar;
5) boı ólsheýishi bar balalarǵa arnalǵan, edenge qoıatyn (elektrondyq), mehanıkalyq portatıvtik, ústelge qoıatyn, jańa týǵan nárestelerge jáne 1,5 jasqa deıingi balalarǵa arnalǵan jáne basqa tıptegi medıtsınalyq tarazy;
6) gıps;
7) rezeńke grelkalar;
8) rezeńke matadan jasalǵan, komprestik, medıtsınalyq jáne plastıkat komprestik tóseme kleenka;
9) magnıtti buıymdar;
10) medıtsınalyq maqsattarǵa arnalǵan metaldan, plastmassadan, farfordan, faıanstan, jartylaı farfordan jáne maıolıkten jasalǵan buıym: medıtsınalyq astaýshalar, túrli sýarǵyshtar, dári qabyldaýǵa arnalǵan shaǵyn stakandar;
11) jatyrǵa arnalǵan saqınalar (matochnye koltsa), balalarǵa arnalǵan túrli, tis, múıiz saqınalar;
12) baldaqtar, taıaqtar, baldaǵy bar tireýler, taıaqqa arnalǵan ushtyqtar, baldaqqaptar;
13) tóseme sheńberler;
14) kóz qalaqshalary;
15) massajerler;
16) matrastar jáne oıylýǵa qarsy jabdyqtar;
17) saýsaqqa kıiletinder, tamyr tartqyshtar;
18) kóz tamshýyrlary;
19) jańa týǵan nárestelerdiń kútimine arnalǵan ydystar men zattar;
20) ortopedııalyq tósemeler;
21) bir rettik medıtsınalyq aqjaımalar;
22) rezeńke balondar;
23) túrli maqsatta paıdalanylatyn medıtsınalyq respıratorlar;
24) emizikter, balalar bótelkesine arnalǵan emizikter;
25) túrli maqsatta qoldanylatyn, sonyń ishinde ortopedııalyq ultaraqtar;
26) aýyrsynýǵa qarsy stımýlıatorlar;
27) metall, rezeńke, farfor, plastmassadan tóseme ydystar, balalardyń dáret ydysy;
28) sýpınatorlar;
29) sýspenzorııler;
30) vannaǵa, aýaǵa arnalǵan, elektrondy, synap jáne basqa túrdegi termometrler, gıgrometrler;
31) ınsýlındik shprıtsterdi saqtaýǵa arnalǵan saýyttar;
32) maqta-mata, zyǵyrdan jasalǵan, sıntetıkalyq, bir rettik medıtsınalyq halattar jáne basqalar;
33) nárestelerdi júrgizýge arnalǵan qurylǵy (hodýnkı);
34) keýdege kıetin tostaǵandar;
35) erektorlar.
2. Sanıtarııalyq-gıgıenalyq maqsattaǵy zattar:
1) dárethana qaǵazy;
2) rezeńke gýbkalar;
3) depılıatsııaǵa arnalǵan jabdyqtar;
4) stanokqa arnalǵan lezvııa, lezvııa;
5) qaıshy;
6) qol jýýǵa arnalǵan şetkalar, aıaq terisiniń kútimine arnalǵan qysqysh şetkalar;
7) áıelderge arnalǵan gıgıenalyq paketter, áıelderge arnalǵan tampondar;
8) pamperster, balalarǵa arnalǵan jórgekter;
9) muryn súrtetin oramaldar, sýly salfetkalar, qaǵaz oramaldar;
10) jańa týǵan nárestelerge arnalǵan gıgıenalyq zattar;
11) zararsyzdandyrǵysh zattar.
3. Aýyz qýysynyń kútimine arnalǵan zattar:
1) tis pastasy, tis untaqtary;
2) emdik-profılaktıkalyq áseri bar shaınaıtyn saǵyz;
3) tis şetkalary;
4) aýyz qýysynyń kútimine arnalǵan zattar;
4. Kosmetıkalyq quraldar:
1) kremder;
2) losondar, spreıler, dezodoranttar, aerozolder;
3) gıgıenalyq dalap;
4) seppeler;
5) shash, bet, dene, qol, aıaq terisi kútimine arnalǵan zattar;
6) medıtsınalyq, kosmetıkalyq, gıgıenalyq, bakterııaǵa qarsy ıis sabyn, kir sabyn.
5. Kózildirik optıkasynyń buıymdary:
1) kózildirikke arnalǵan aksessýarlar (saýyttar, súrtkiler jáne basqalar);
2) lınzalar;
3) jumsaq janaspaly lınzalar;
4) kózildiriktiń qursaýy;
5) qorǵaıtyn kózildirik.
6. Salaýatty ómir saltyn qamtamasyz etýge arnalǵan zattar men quraldar:
1) emdik, ashanalyq, emdik-ashanalyq, ishetin mıneraldy sý;
2) medıtsınalyq maqsattaǵy trenajerler;
3) «Densaýlyq» kalkýlıatorlary.
7. Balalarǵa arnalǵan emdám jáne emdeý-profılaktıkalyq tamaqtaný ónimderi.
Buıryq Qazaqstan Respýblıkasynyń Ádilet mınıstrliginde 2015 jylǵy 31 shildede Normatıvtik quqyqtyq kesimderdi memlekettik tirkeýdiń tizilimine №11806 bolyp engizildi.