Dárilik zattar naryǵynda paıda kózdegen kartel anyqtaldy
«SK-Farmatsııa» JShS tegin medıtsınalyq kómektiń kepildik berilgen kólemi aıasynda dárilik zattardy saqtaý jáne tasymaldaý qyzmetterin satyp alýdy júzege asyrǵan kezde birneshe naryq sýbektisiniń satyp alýǵa bir kartel ókilin qatystyrýy jáne keıinen alynǵan kólemdi kelisimge kelgen qatysýshylar arasynda teń bólý týraly aldyn ala kelisim jasasqany anyqtaldy. Osylaısha, osy kelisim satyp alýǵa qatysýshylar men dárilik zattardy saqtaý jáne tasymaldaý qyzmetteriniń basqa áleýetti ónim berýshileri arasynda básekelestikti boldyrmaǵan», - delingen Ulttyq ekonomıka mınıstrligi taratqan aqparatta.
Vedomstvo málimetinshe, karteldiń úsh qatysýshysyna qatysty ákimshilik is qozǵaldy. Olar naryq sýbektileriniń ornalasqan jeri boıynsha sottardyń qaraýynda. Búgingi kúni Almaty qalasy sottarynyń 2017 jylǵy 7 aqpandaǵy jáne 11 sáýirdegi sheshimderimen kartelge qatysýshylardyń biri - «MEDSERVIS PLıÝS» Qazaq farmatsevtıkalyq kompanııasy» JShS kináli dep tanyldy jáne 208 mln. teńge mólsherindegi monopolııalyq tabysy tárkilenip, 114,9 mln. teńge mólsherinde ákimshilik aıyppul salyndy.
«Kartelge basqa qatysýshylar boıynsha sot talqylaýlarynyń nátıjeleri týraly qosymsha habarlanatyn bolady. Bul is 2010-2015 jyldar kezeńinde tegin medıtsınalyq kómektiń kepildik berilgen kólemi sheńberinde dárilik zattardy saqtaý jáne tasymaldaý qyzmetterin bir lotpen satyp alǵan «SK-Farmatsııa» JShS-ǵa qatysty buryn júrgizilgen monopolııaǵa qarsy tergep-tekserýdiń jalǵasy bolyp tabylady. 2017 jylǵy 16 naýryzda «SK-Farmatsııa» JShS 1,3 mlrd. teńge mólsherindegi ákimshilik aıyppuldy memleket bıýdjetine tolyq tóledi», - dedi mınıstrlikten.
