Dárilik zattar naryǵynda kartel qurý faktisi boıynsha sot protsesteri aıaqtaldy - QR UEM

ASTANA. QazAqparat - Qazaqstan Respýblıkasy Ulttyq ekonomıka mınıstrligi Tabıǵı monopolııalardy retteý, básekelestikti jáne tutynýshylardyń quqyqtaryn qorǵaý komıtetiniń paıdasyna logıstıkalyq qyzmetterdi berýshiler arasyndaǵy dárilik zattar men medıtsınalyq maqsattaǵy buıymdardy saqtaý jáne tasymaldaý qyzmetteri naryǵyndaǵy kartel qurý faktisi boıynsha sottardyń sońǵy sheshimderi shyǵaryldy, dep habarlaıdy atalǵan vedomstvonyń baspasóz qyzmeti.

Buryn habarlanǵandaı, Almaty qalasy sotynyń 2017 jylǵy 11 sáýirdegi qaýlysymen «MEDSERVIS PLıÝS» Qazaq farmatsevtıkalyq kompanııasy» JShS ÁQBtK-niń 159-baby birinshi bóliginde kózdelgen quqyq buzýshylyq úshin kináli dep taný týraly Almaty qalasy MAÁS-tiń 2017 jylǵy 7 aqpandaǵy qaýlysy ózgerissiz qaldyryldy.  

Osyǵan uqsas sheshimder osy kartelge qalǵan eki qatysýshy - «Romat» farmatsevtıkalyq kompanııasy» JShS-ǵa jáne «STOFARM» JShS-ǵa qatysty qabyldandy.

Aıtalyq, Pavlodar jáne Qostanaı oblystyq sottary azamattyq ister jónindegi sot alqasynyń 2017 jylǵy 27 sáýirdegi jáne 3 shildedegi qaýlylarymen osy kompanııalardy ÁQBtK-niń 159-baby birinshi bóliginde kózdelgen quqyq buzýshylyq úshin kináli dep taný týraly Pavlodar qalasy MAÁS-tiń 2017 jylǵy 17 naýryzdaǵy jáne Qostanaı qalasy MAÁS-tiń                     2017 jylǵy 6 maýsymdaǵy qaýlylary ózgerissiz qaldyryldy.

Úsh kompanııa boıynsha aıyppul sanktsııalarynyń (ákimshilik aıyppul jáne monopolııalyq tabys) jalpy somasy 500 mln.-ǵa jýyq teńgeni qurady. Sheshimder zańdy kúshine endi.

2017 jylǵy 18 shildedegi jaǵdaı boıynsha «STOFARM» JShS 2 366 766 teńge mólsherinde monopolıstik qyzmetti júzege asyrý nátıjesinde alǵan monopolııalyq tabysty memleket bıýdjetine tóledi.