Dárilik zattar men medıtsınalyq jabdyqtardyń 800 ataýy boıynsha otandyq óndirýshilermen 18 shart bekitildi
Otyrystaǵy basty taqyryp retinde salalar men óńirlerde eńbek qatynasy, eńbek quqyǵyn qamtamasyz etý memorandýmyn júzege asyrý, áleýmettik qorǵaý, jumyspen qamtý máseleleri qaraldy.
Sonymen qatar jıynǵa qatysýshylar bıznestiń áleýmettik jaýapkershiligin jáne memlekettik satyp alýlarda qazaqstandyq qamtýdy arttyrý taqyrybyn da talqylandy.
«Eger de bizdiń mınıstrlik boıynsha toqtalsaq, densaýlyqty qorǵaý kodeksinde halyqaralyq standarttarǵa sáıkes bolsa, otandyq taýar óndirýshilermen uzaqmerzimdi shartty qarastyrdyq. Aǵymdaǵy jyly 20 kelisimshartqa qol qoıdyq. Onyń ishinde 18 shart dárilik zattar men medıtsınalyq jabdyqtardyń 800 ataýy boıynsha otandyq taýar óndirýshilerge tıesili», - dedi QR Densaýlyq saqtaý jáne áleýmettik damý mınıstri Tamara Dúısenova.