Dárilik esirtki zattardy Keden odaǵy arqyly ótkizý tártibi bekitildi - Parlament

ASTANA. QazAqparat - Búgin Parlament Senatynyń jalpy otyrysynda palata depýtattary «Esirtki, psıhotroptyq zattar men olardyń prekýrsorlaryn Keden odaǵynyń keden aýmaǵy arqyly ótkizý tártibi týraly kelisimdi ratıfıkatsııalaý týraly» QR Zańyn qabyldady. Parlament qabyldaǵan zań Memleket basshysynyń qol qoıýyna joldanady.

«Bul kelisim esirtkini, psıhotroptyq zattar men olardyń prekýrsorlaryn Keden odaǵy keden aýmaǵy arqyly ótkizýdiń tártibi men tetigin retteıdi. Osy rette jeke tulǵalarǵa zańnamada anyqtalǵan mólsherde, rastalatyn medıtsınalyq qujattar bolǵan jaǵdaıda jeke óziniń qoldanýy úshin dárilik preparattar túrindegi esirtki men psıhotroptyq zattardyń shekteýli sanyn ótkizýge ruqsat beriledi. Al zańdy tulǵalar ondaı zattardy saýdalyq-medıtsınalyq jáne ǵylymı maqsattar úshin alyp ótýlerine múmkindikter qarastyyrlady. Bul rette ruqsat berý qujattary ulttyq zańnama aıasynda sheshiledi», - deıdi Іshki ister mınıstri Qalmuhanbet Qasymov.

Atalǵan kelisimge 2013 jyldyń 24 qazanynda Mınsk qalasynda qol qoıylǵan.