Dárilerdiń qaýipsizdigi jáne saraptamasy týraly resmı aqparattardy arnaıy saıttan bilýge bolady - QR DSM
ASTANA. 6 qyrkúıek. QazAqparat - QR Densaýlyq saqtaý mınıstrligi «Dárilik zattardy, medıtsınalyq maqsattaǵy buıymdardy jáne medıtsına tehnıkasyn saraptaý ulttyq ortalyǵy» RMK-nyń www.dari.kz resmı saıty quryldy.
Bul týraly búgin Almatyda «Dárilik quraldardyń halyq úshin qoljetimdiligi men sapasyn arttyrý, densaýlyq saqtaý uıymdaryn medıtsına tehnıkasymen jabdyqtaýdy jaqsartýǵa qatysty2011-2015 jyldarǵa arnalǵan «Salamatty Qazaqstan» densaýlyq saqtaýdy damytý memlekettik baǵdarlamasynyń júzege asyrylý barysy týraly» taqyrybynda ótken baspasóz máslıhatynda aıtyldy.
QR DSM-nyń baspasóz habarlamasynda aıtylǵandaı, dárilik zattardyń qaýipsizdigi men sapasy ulttyq qaýipsizdik máselelerine jatqyzyldy. Osy saladaǵy qatynastardy retteýdiń birden-bir tetigi memlekettik tirkeý bolyp tabylady. Ony ótkizý kezinde dárilik zattardy saraptamadan ótkizý mindetti shart bolyp tabylady.
«Halyq densaýlyǵy jáne densaýlyq saqtaý júıesi týraly» Qazaqstan Respýblıkasynyń Kodeksine sáıkes dárilik quraldardy saraptaýdy QR Densaýlyq saqtaý mınıstrliginiń memlekettik saraptaý uıymy ǵana júzege asyrady. Dárilik quraldardy memlekettik tirkeý kezinde saraptama jumystary jaqsy materıaldyq bazasy, myqty kadrlyq jáne ǵylymı áleýeti bar «Dárilik quraldardy, medıtsınalyq maqsattaǵy buıymdardy jáne medıtsına tehnıkasyn saraptaý ulttyq ortalyǵy»arqyly júrgiziledi.
Qaýipsizdigi, tıimdiligi jáne sapasy týraly oń qorytyndydan keıin ǵana dárilik preparatqa medıtsınalyq qoldanysqa ruqsat beriledi.
Tirkeý qujattar jınaǵynda berilgen dárilik preparat týraly aqparat qupııa bolǵandyqtan, mundaı uıymdar dúnıejúzinde jabyq bolyp tabylady. Jemqorlyq áreketterdi jáne tapsyrys berýshiler tarapynan sarapshylarǵa qysymdy boldyrmaý maqsatynda olardyń qatynasyna jol berilmeıdi.
«Dárilik quraldardy, medıtsınalyq maqsattaǵy buıymdardy jáne medıtsına tehnıkasyn saraptaý ulttyq ortalyǵy»kez-kelgen kezeńde qujattardyń júrisin jáne saraptama merzimin baıqap otyrýǵa múmkindik beretin Dárilik quraldardy tirkeý baǵdarlamasyn ázirlep engizdi. Saraptamanyń barlyq kezeńderi anyq jáne aıqyn. Baǵdarlama dárilik quraldar, medıtsınalyq maqsattaǵy buıymdar jáne medıtsına tehnıkasyn saraptaý protsesin birizdendirýge jáne avtomattandyrýǵa múmkindik beredi.
Dárilik quraldardy, medıtsınalyq maqsattaǵy buıymdar jáne medıtsına tehnıkasyn memlekettik tirkeý boıynsha qyzmetter usyný úshin ortalyqta «bir tereze» qaǵıdaty engizilgen. Ol saraptaý protsedýra kezinde tapsyrys berýshi men sarapshynyń baılanysyn boldyrmaýǵa múmkindik beredi. Kiris qujattaryn qabyldaýdy jáne qorytyndy qujattardy berýdi memlekettik jáne saraptaý organdarynyń mamandary júzege asyrady. Olar arnaıy bólingen kabınetterde otyrady.
Júrgizilgen jumystardyń mańyzdy baǵyttarynyń biri - alys shetel, TMD elderi óndirýshileriniń jáne otandyq kásipkerlerdiń saraptama kezeńderi týraly aqparatqa qol jetkizýin qamtamasyz etý, tirkelgen dárilik zattar, medıtsınalyq maqsattaǵy buıymdar jáne medıtsınalyq tehnıka týraly jalpy qoljetimdi málimetter bazasyn qurý. Saraptama jumystaryna shart jasasý kezinde Tapsyrys berýshige saıtqa kirýge múmkindik beretin logın jáne parol usynylady.
Saıtqa sátti tirkelgennen keıin Tapsyrys berýshi «Saraptaý jumystary týraly málimetter» taraýyna kirýge ruqsat alady, onda ol óziniń suranymdar tizimin, saraptama kezeńderi boıynsha aqparatty, eskertýler jáne hat almasý jónindegi derekterdi qaraı alady.
Saraptaý jumystary aıaqtalǵanda Tapsyrys berýshi saıttan «Memlekettik reestr/Preparattardy izdeý» bóliminde tirkelgen dárilik zattar, medıtsınalyq maqsattaǵy buıymdar jáne medıtsınalyq tehnıka týraly, sonymen qatar «Farmatsııa zańnamasy/Tirkeý boıynsha buıryqtar» bóliminde QR Densaýlyq saqtaý mınıstrligi Medıtsınalyq jáne farmatsevtıkalyq baqylaý komıtetiniń tirkeý boıynsha buıryqtary týraly málimetterdi kóre alady.
