DariKz: Dári izdeýge arnalǵan mobıldi qosymsha Appstore-da qoljetimdi boldy

NUR-SULTAN. QazAqparat – Qazaqstanda tirkelgen barlyq dári-dármek toptamasy engen DariKz mobıldi qosymshasynyń jańartylǵan nusqasy IOS platformasynda jumys istep tur.

Bul týraly Dárilik zattar men medıtsınalyq buıymdardy saraptaý ulttyq ortalyǵynyń baspasóz qyzmeti jarııalady, dep habarlaıdy QazAqparat.

Endi qosymshany paıdalaný yńǵaıly, áldeqaıda jyldam jáne AppStore-dyń barlyq talaptaryna saı keledi.

Darikz mobıldi qosymshasy arqyly elde tirkelgen dáriler týraly aqparat alýǵa bolady. Qosymshada dárilik preparattyń mólsheri, kontsentratsııasy, saqtaý merzimi jáne erekshe belgileri, dáriniń túpnusqa nemese djenerık ekendigi, dárigerdiń retseptimen nemese retseptisiz beriletini týraly málimet bar. Sondaı-aq, «Shekti baǵa» bóliminde dári-dármektiń baǵasyn baqylaýǵa bolady. Eger onyń quny Qazaqstanda ruqsat etilgen shekti baǵadan asyp ketse, qosymshada shaǵym qaldyrýǵa bolady. Qazirgi ýaqytta qosymshanyń dárilik zattar derekqoryna 18 myńǵa jýyq preparat engizildi, onyń ishinde 6500 dárige shekti baǵa belgilengen.

Dárilik zattardy izdeý onyń saýdadaǵy ataýy, tirkeý kýáligi jáne halyqaralyq patenttelmegen ataýy boıynsha júrgiziledi. Dári-dármek týraly barlyq aqparat qazaq, orys jáne aǵylshyn tilderinde usynylady.

Buǵan deıin Android platformasynda DariKz qosymshasyn 123 myń paıdalanýshy júktep alyp, sátti qoldanǵan bolatyn.

1.5.3 nómirli «DariKz» jańa nusqasy iOS platformasynda jumys isteıtin smartfondarǵa da qoljetimdi bolyp otyr.