Dárihanalardaǵy jaǵdaıdy baqylap otyrmyz – Birtanov medıtsınalyq maska jaıly
«Sanıtarlyq qyzmetter men medıtsınalyq uıymdar úshin maskanyń qosymsha kólemi boıynsha kelisim jasaldy. Bul turǵyda bizde ýaıym joq. Maskalardyń qosymsha kólemi barshylyq. Shıkizattyń ózi Qytaıda toqylady. Birqatar qytaılyq kásiporyn toqtaǵan. QHR-ǵa keıbir materıaldardy, onyń ishinde jeke qorǵaýǵa arnalǵan materıaldardy kirgizýge tyıym salynǵan», - dedi Eljan Birtanov OKQ-da ótken baspasóz máslıhatynda.
Mınıstrdiń aıtýynsha, vedomstvo dárihanalardaǵy maskalardyń jetkilikti bolýyn turaqty baqylap otyr.
«Biz jergilikti atqarýshy organdarmen birlesip, dárihanalardaǵy ahýaldy baqylap otyrmyz. Keıbir otandyq kásiporyndardyń jaǵdaıdy zerttep almaı, dıstrıbıýterlerden maskany jappaı satyp alyp, QHR-ǵa jóneltýine alańdap qalǵan edik. Sebebi Qytaıda shynymen de maskaǵa degen suranys joǵary», - dedi mınıstr.