Dárihanalardaǵy tegin dári-dármekter týraly onlaın rejımde bilýge bolady
ASTANA. QazAqparat - Qazaqstandyqtar budan bylaı medıtsınalyq uıymdar men dárihanalarǵa tegin dári-dármekterdi jóneltý týraly aqparatty onlaın rejımde kórip otyrýǵa múmkindik aldy. «SQ-Farmatsııa» saıtynda osyndaı aqparattan qulaǵdar etip otyratyn arnaıy bólim ashyldy, dep habarlaıdy «QazAqparat» HAA tilshisi vedomstvonyń baspasóz qyzmetine silteme jasap.
Dıspanserlik patsıentter aımaqtarǵa qandaı dári-dármekter jóneltilgeni týraly aqpartty endi Biryńǵaı dıstrıbıýtor saıtynyń «2018 jylǵa ADQ boıynsha aqparat» bóliminen myna silteme boıynsha bilip otyratyn boldy.
«SQ-Farmatsııa» saıtynyń arnaıy qurylǵan bóliminde emdelýshiler biryńǵaı dıstrıbýtsııa júıesi arqyly dári-dármekti satyp alý tártibi, tegin retsept boıynsha beriletin dári-dármekterdiń dárihanalardaǵy qoljetimdiligi týraly barlyq qajetti aqparatty taba alady.
Biryńǵaı dıstrıbıýtordyń basqarma tóraǵasynyń mindetin atqarýshy Sharııa Ismýhanovanyń aıtýynsha, bólimdegi aqparattar kúndelikti jańartylyp otyrady. Patsıentter ózderine usynylǵan dári-dármekterdiń dárihanalarǵa qashan túskenin baqylaı alady.
«Patsıentter ózderiniń aımaǵynda qajetti dári-dármekterdiń bar-joqtyǵyn jáne dárihanaǵa kelgenin bilý qanshalyqty mańyzdy ekenin túsinemiz. Sondyqtan, bul derekterdi ashyq jarııalaý týraly sheshim qabyldandy», - deıdi Sharııa Ismýhanova.
Sondaı-aq, saıtta Siz tegin aqparat alý úshin dári-dármekterdi alýǵa bolatyn orynnyń mekenjaıy men baılanys telefondary týraly aqparattardy taba alasyz. Buǵan qosa atalmysh bólimde qazaqstandyqtarǵa qajetti preparattardyń óz aımaǵyna jóneltý kestesi týraly neǵurlym naqty aqparatty bilýge bolatyn shuǵyl baılanys telefondarynyń nómiri jarııalandy.
Dári-dármektiń qoljetimjiligin qamtamasyz etetin qadam QR Densaýlyq saqtaý mınıstri Eljan Birtanovtyń tapsyrmasy boıynsha jasalyp otyr.
