Dárihanalar dárini 3 jyl saqtaýǵa mindetteldi
NUR-SULTAN. QazAqparat - QR Densaýlyq saqtaý mınıstrligi Farmatsııa komıteti Nur-Sultan qalalyq departamenti dárilik zattardy berý men saqtaý bóliginde engizilgen jańalyqtarmen bólisti, dep habarlaıdy QazAqparat tilshisi.
«Retseptileri jazý, esepke alý jáne saqtaý» erejesin bekitý týraly 373 buıryqtyń 17 tarmaǵyna, oǵan 2019 jyldyń 15 sáýirinde engizilgen ózgertýge sáıkes dárilik zattar dárigerdiń qatań retseptimen ǵana bosatylýy tıis jáne dárihanada 3 jyl saqtalýy qajet», - dedi atalǵan departament basshysynyń mindetin atqarýshy Eraly Nurǵazın elordadaǵy №7 emhanada ótken baspasóz máslıhatynda.
Onyń atap ótýinshe, dárihanalarda dárilik zattardy retseptimen satý Densaýlyq saqtaý mınıstrligi engizgen jańalyq emes. Ol sońǵy 15 jyl boıy elimizde qoldanylyp keledi. Al bul rettegi jańalyq dárihanalar dárilik zattardy úsh jyl boıy saqtaýy qajet. Al buǵan deıingi talap merzimi 1 jyldy quraǵan edi.
«Halyq densaýlyǵy jáne densaýlyq saqtaý júıesi týraly» QR Kodeksin júzege asyrý aıasynda bizdiń departamenttiń mamandary Nur-Sultan qalalyq qoǵamdyq densaýlyqty qorǵaý departamentiniń qyzmetkerlerimen birge dárigerlermen jáne farmatsevtermen kezdesýler ótkizdi. Onyń aıasynda retsepti boıynsha medıtsınalyq dári-dármekterdi satýdyń qoldanystaǵy erejesin saqtaý máseleleri talqylandy», - dedi ol.
Nur-Sultan qalalyq qoǵamdyq densaýlyqty qorǵaý departamentiniń málimetterine qaraǵanda, Qazaqstana dárilik zattardyń 7 792 ataýy tirkelgen. Onyń ishinde 6 033 dári dárigerdiń retseptimen, al 1 759-y retsepsiz satylady.
