Dárihanaǵa zańsyz tergeý júrgizgen ákimdik qyzmetkerine aıyppul salyndy
ALMATY. QazAqparat - Almatyda dárihanaǵa zańsyz tergeý júrgizgen ákimdik qyzmetkeri ákimshilik jaýapkershilikke tartyldy. Bul týraly qalalyq sottyń baspasóz qyzmeti habarlady.
Іs materıaldaryna sáıkes, 7 sáýirde Almaly aýdandyq ákimdiginiń qyzmetkerleri Abaı dańǵylyndaǵy ShOB sýbektisine zańsyz tekserý júrgizgen. Bul týraly kásipker prokýratýranyń senim telefonyna habarlaǵan.
Atalǵan derekti tekserýge shyqqan prokýratýra ókilderi túsken aqparattyń shynaıylyǵyna kóz jetkizdi.
Almaly aýdandyq ákimdiginiń qyzmetkerlerinde tekserýge ruqsat beretin arnaıy akt bolmaǵan.
Nátıjesinde Almaty ákimshilik ister boıynsha aýdanaralyq mamandandyrylǵan sotynyń úkimimen aýdandyq ákimdiktiń ekologııa jáne qorshaǵan orta bóliminiń bas keńesshisi QR ÁqK 175-babynyń 1-tarmaǵy boıynsha aıypty dep tanyldy.
Oǵan 20 AEK, ıaǵnı 42 myń teńge kóleminde aıyppul salyndy.
