Dárihanada áıelin aıaýsyz pyshaqtap óltirgen Qulymbetovtyń soty bastalady
TALDYQORǴAN. QazAqparat - Almaty oblysyndaǵy Qarasaı aýdanynda bolǵan qandy oqıǵaǵa baılanysty sot otyrysy bastalady. 13 jyl boıy otasqan áıelin jumysyna baryp, birneshe jerinen pyshaqtaǵan kúdikti Azamat Qulymbetov sot aldynda jaýap beredi, dep habarlaıdy QazAqparat tilshisi.
Tamyzdyń 14 kúni saǵat 11-00 de Qarasaı aýdandyq sotynyń ǵımaratynda aldyn ala tyńdalymy ótedi. Іs Almaty oblysynyń qylmystyq ister jónindegi mamandandyrylǵan aýdanaralyq sotymen qaralady. Kúdikti Azamat Qulymbetov «Adam óltirý» baby boıynsha aıyptalyp otyr.
Esterińizge sala keteıik, qandy oqıǵa bıyl 18 aqpanda Qarasaı aýdanyndaǵy «Asyl arman» turǵyn úıleriniń birinde ornalasqan dárihana ishinde bolǵan. 1983 jylǵy Azamat Qulymbetov áıeliniń jumys ornyna kelip, ony aıaýsyz pyshaqtap, óltirgen. Jáne onyń bul áreketi beınekameraǵa túsken. Al qaza tapqan 33 jastaǵy Janar Nasyrovanyń artynda eki balasy qaldy.
