Dárigerleri nájisten ýlanyp, ajal qushqan Shelek aýrýhanasynyń basshysy qyzmetinen ketti
TALDYQORǴAN. QazAqparat - Almaty oblysy Eńbekshiqazaq aýdanynda ornalasqan Shelek aýdandyq aýrýhanasynyń bas dárigeri úsh adam qaza tapqan qaıǵyly oqıǵadan keıin otstavkaǵa ketti, dep habarlaıdy QazAqparat tilshisi.
«Búgin Shelek aýdandyq aýrýhanasynyń bas dárigeri óz erkimen jumystan ketkenin habarlaımyn. Ol ótinish jazdy, biz ony qabyl aldyq», - dedi óńir basshysynyń baspasóz hatshysy.
Eske salaıyq, Almaty oblysynda úsh adam - eki santehnık pen dáriger káriz júıesiniń jarylýy saldarynan qaza tapqan bolatyn.
Budan buryn qaıǵyly jaǵdaı kezinde qaza tapqandardyń otbasyna ótemaqy tólenetini týraly habarlanǵan edi.
Atap ótilgendeı, polıtsııa osy fakti negizinde QR QK 156-baby 4-bóligi boıynsha tekserý júrgizip jatyr.
