Dárigerlerge ústemeaqy tóleý baqylaýda - Aqmola oblysy
KÓKShETAÝ. QazAqparat - Densaýlyq saqtaýdy damytýdyń 2020-2025 jyldarǵa arnalǵan memlekettik baǵdarlamasyna sáıkes 2024 jylǵa qaraı dárigerlerdiń ortasha aılyq jalaqysyn kezeń-kezeńimen 2 esege jáne orta medıtsınalyq personaldyń jalaqysyn 1,6 esege ulǵaıtý kózdelgen. Bul týraly brıfıngte Aqmola oblysy Densaýlyq saqtaý basqarmasy basshysynyń orynbasary Narıman Syzdyqov aıtty, dep habarlaıdy QazAqparat tilshisi.
«Koronavırýstyq ınfektsııamen aýyratyn naýqastarǵa medıtsınalyq kómek 1558 ınfektsııalyq, (681 - 44% jumyspen qamtylǵan) jáne 123 reanımatsııalyq tósek (53 – 43% jumyspen qamtylǵan, koronavırýstyq ınfektsııa sebebinen 22 tósek – 18% jumyspen qamtylǵan), sondaı-aq 30 karantındik tósek-orny bar 15 medıtsınalyq uıym arqyly kórsetiledi. Jumys istep turǵan tósek-orny bar medıtsınalyq mekemeler 100 paıyz kadrlarmen jasaqtalǵan», - dedi Narıman Syzdyqov.
Búgingi tańda barlyǵy 438 medıtsına qyzmetkeri jumyldyrylǵan jáne jalpy 1052 medıtsına qyzmetkeri tartylǵan.
«Memleket basshysynyń tapsyrmasyna sáıkes, qaýipti 3 toptaǵylar boıynsha COVID-19-ǵa qarsy kúreske tartylǵan orta eseppen 4228 medıtsına qyzmetkerlerin yntalandyrý jáne qoldaý úshin 4 mlrd 688 mln teńge bólindi. Densaýlyq saqtaýdy damytýdyń 2020-2025 jyldarǵa arnalǵan memlekettik baǵdarlamasyna sáıkes 2024 jylǵa qaraı dárigerlerdiń ortasha aılyq jalaqysyn 2 esege jáne orta medıtsınalyq qyzmetkerlerdiń jalaqysyn 1,6 esege kezeń - kezeńimen ósirý kózdelgen», - dep tolyqtyrdy N.Syzdyqov.
Máselen, 2021 jylǵy 1 qańtardan bastap óńirdiń 32 medıtsınalyq uıymdarynda ortasha aılyq jalaqy 1559 dárigerde 30 paıyzǵa (211 myń teńgeden 274 myń teńgege deıin) jáne orta medıtsınalyq personaldyń 5092 ókilinde 20 paıyzǵa (134 myń teńgeden 161 myń teńgege deıin) ósti. Óńirde bir qalalyq, 18 aýdandyq qosalqy stantsııa jáne 19 jedel járdem bólimshesi jumys isteıdi. Al qamtý aımaǵy aýyldyq eldi mekenderde 2019 jylǵy 14,2 paıyzdan aǵymdaǵy jyly 27,2 paıyzǵa deıin ulǵaıdy, aýyl halqynyń 67,6 paıyzy qamtyldy. Oblystyq jedel járdem stantsııasynyń qýaty táýlik boıy jumys isteıtin 69 brıgadany quraıdy, onyń 9-y mamandandyrylǵan dárigerlik jáne 60-y - feldsherlik.
