Dárigerlerge koronavırýsqa kúdikti anyqtalǵan jaǵdaıda qandaı sharalar qoldaný qajettigi túsindirildi
TALDYQORǴAN. QazAqparat - Almaty oblysynyń medıtsına salasynyń qyzmetkerlerine S. Asfendııarov atyndaǵy QazUMÝ ǵalymdary koronovırýs taqyrybynda oqý semınaryn ótkizdi. Basqosýǵa 200-ge jýyq dáriger qatysty, dep habarlaıdy QazAqparat tilshisi.
Dáriske óńirdiń emdeý mekemeleriniń basshylary, jedel járdem qyzmetiniń mamandary, juqpaly aýrýlar jáne ókpe aýrýlaryn emdeıtin aýrýhana ókilderi qatysty. Qazirgi tańda koronovırýsqa kúdikti naýqas anyqtalǵan jaǵdaıda is áreketter algorıtmi belgilengen. Oqytýshylar osy vırýstyń túrlenip jatqanyn atap ótip, naqty qandaı sharalar qoldaný qajettigin túsindirdi. Ázirge vırýsqa qarsy vaktsınalar men dári-dármek tabylǵan joq. Sondyqtan tumaýǵa qarsy belgiler boıynsha sımptomatıkalyq em qoldaný týraly keńes berilip otyr. Sondaı-aq eń mańyzdy másele indetti juqtyryp almaý jáne taralýyna jol bermeý boıynsha nusqaýlar aıtyldy.
