Dárigerlerge arnalǵan eń taza qalta telefony shyǵarylady
ASTANA. QazAqparat - Uıaly telefondar boıyna kirdiń eń kóp jınalatyny belgili. Onda birneshe myńdaǵan mıkrobtar qozyp jatady deýge de bolady. Al BlackBerry kompanııasy bolsa, osy máseleni sheshý jolyn taýypty, dep habarlady www.24.kz.
Ol aýrýhanadaǵy dárigerlerdiń qoldanýyna arnalǵan bakterııalarǵa qarsy telefon shyǵarmaq. Kompanııanyń bas dırektory Djon Chen medıkterdiń bul telefondy zararsyzdandyrýǵa az ǵana ýaqyt jumsaıtynyn aıtty. Sýrreı Ýnıversıtetiniń zertteýine sáıkes, qalta telefonynyń korpýsyna qonatyn mıkrobtar negizinen zııansyz, biraq keıde altyn stafılokokk tárizdi qaýiptileri de qurylǵy betine qonýy múmkin eken. Jalpy dárigerler úshin mynadaı ereje bar: olar naýqastyń palatasyna kirgenge deıin jáne odan shyqqannan soń mobıldi qurylǵylaryn spırttelgen maılyqpen súrtýi tıis. Osy rette jańa ónertabys aq halattylardyń ýaqytyn únemdeıdi, dep jazady MedDaily.ru.
