Dárigerlerdiń jumysyna qatysty shaǵymdardy Smart Astana arqyly joldaýǵa bolady
ASTANA. QazAqparat - Keri baılanystyń jańa kanaly barlyq qalalyq emhanalar men statsıonarlarda engizilgen, dep habarlaıdy QazAqparat elorda ákimdiginiń resmı saıtyna silteme jasap.
«Astana - adaldyq alańy» jobasy aıasynda barlyq qalalyq emhana men statsıonarlarda kórsetilgen medıtsınalyq qyzmetke turǵyndardyń qanshalyqty qanaǵattanatynyn anyqtaý jáne keri baılanysty jaqsartý maqsatynda jańa joba qolǵa alyndy», - dep habarlady Astana qalasy qoǵamdyq densaýlyq saqtaý basqarmasynyń basshysy Qamaljan Nadyrov óziniń Facebook-tegi paraqshasynda.
«Endi sizder emhana nemese jekelegen qyzmetkerge qatysty ótinish-tilekterińizdi qaldyra alasyzdar. Ol úshin arnaıy QR-kodty skanerlep, suraqqa jaýap berý jetkilikti. Barlyq aqparat qoǵamdyq densaýlyq saqtaý basqarmasynyń ahýal ortalyǵyna túsedi. Bul bizge onlaın rejımde medıtsınalyq mekemeniń nemese jekelegen medqyzmetkerdiń sizge kórsetken qyzmeti men servıs sapasyn anyqtap, odan ary jetildirýge kómek beredi», - dep túsindirdi Q. Nadyrov.
Qoǵamdyq densaýlyq saqtaý basqarma basshysynyń aıtýynsha, ótinish-tilekter negizinde reıtıng jasalady.
