Dárigerlerdiń jalaqysy úsh jylda qaı somada artady
«Medıtsına qyzmetkerlerin áleýmettik qoldaý qadamdaryn memleket basshylyǵy erekshe baqylaýda ustap otyr. Memleket basshysy kezeń-kezeńmen dárigerlerdiń jalaqysyn kóterý mindetin qoıdy. 2023 jylǵa qaraı dárigerlerdiń eńbekaqysy ekonomıkadaǵy ortasha jalaqydan eki jarym ese joǵary deńgeıge jetedi dep boljanýda», - dep toqtaldy birinshi vıtse-mınıstr Ortalyq kommýnıkatsııalar qyzmetinde.
Onyń aıtýynsha, qazirgi kezde elimizde 247 myń medıtsına qyzmetkeri jumys istep jatyr. Osy oraıda jalaqyny kóterýdi eskere otyryp, 2021 jylǵa 222 mlrd teńge qarastyrylǵan. Sonymen qatar, 2022 jyly – 362 mlrd teńge, 2023 jyly - 557 mlrd teńge bólinbek.
«2021 jyly dárigerlerdiń ortasha jalaqysy shamamen 320 myń teńge bolady. 2023 jyly 560 myń teńgege deıin jetedi. 2021 jyly orta medıtsına qyzmetkerleriniń ortasha jalaqysy 173 myń teńgeni qurasa, 2023 jyly 210 myń teńgege jetedi», - dedi Marat Shoranov.