Dárigerlerdiń vırýs juqtyrýy álemniń barlyq elinde bolyp jatyr – qytaılyq maman
Qalada qazir Qytaıdan kelgen mamandardyń qatysýymen onlaın trenıng bastaldy.
Onlaın kezdesýden soń olar otandyq dárigerlerdi vırýspen kúres tásiline úıretti.
Dárigerlerdiń biri Lý Chen qazaqstandyq áriptesteriniń eńbegin joǵary baǵalady.
«Almatylyqtar karantın ýaqytyn talapqa saı ótkizip jatyr. Qala kósheleri bos. Kóp kásiporyndar jumysyn toqtatqan. Qazir álemniń mıllıon turǵyny bar barlyq qalalarynda osyndaı jaǵdaı. Qazaqstanǵa bul ınfektsııa syrttan kelgen. Sizder tásili – neǵurlym erterek oqshaýlaný, erterek dıagnostıka jasaý», - dedi Lý Chen.
Onyń aıtýynsha, dárigerlerdiń jappaı vırýs juqtyrýy álemniń barlyq elinde bolyp jatyr.
«Bizde de dárigerler kóp juqtyrǵan. Biz olardy qorǵaý sharalaryn nyǵaıtý úshin osynda keldik. Sizdermen osy ınfektsııa jaıynda barlyq bilgenimizben bólisetin bolamyz», - dedi Lý Chen.
Aıta ketý kerek, búgin Almatyǵa Qytaıdan 10 maman Covid-19 kúresý týraly bilimimen bólisýge keldi. Delegatsııa quramynda ınfektsıonıst, epıdemıolog, pýlmonolog jáne basqa da mamandar bar.