Dárigerlerdiń sýretin salǵan 5 jasar sábı respýblıkalyq baıqaýdyń jeńimpazy atandy
PAVLODAR. QazAqparat - Búldirshin «Adamzat saqshylary» atty respýblıkalyq onlaın sýretter baıqaýyna koronavırýspen kúresken dárigerlerdiń sýretin joldaǵan, dep habarlaıdy Pavlodarnews.kz.
Bul týraly qalalyq bilim berý bólimi málim etti.
- Qalalyq №24 sábıler baqshasynyń mektepaldy daıarlyq tobynyń tárbıelenýshisi, 5 jastaǵy Veronıka Lýb baıqaýdyń «Sýret» nomınatsııasynda 1-orynǵa ıe boldy. Baıqaýdy «Mangilik el qastary» qoǵamdyq qory uıymdastyrdy jáne pandemııamen kúreske qatysqan barlyq adamdarǵa arnaldy, - dedi bilim berý bóliminde.
Gýashpen salynǵan «Eshteńeden qoryqpaıtyn dárigerlerge rahmet» atty sýretinde Veronıka dárigerlerdiń pandemııa vırýsymen kúresin jáne naýqastardy vırýstan qalaı qutqarýǵa bolatyndyǵyn óz kózqarasymen kórsetken.
Veronıka M.Kataev atyndaǵy oblystyq oqýshylar saraıynyń «Ladoshkı» beıneleý stýdııasyna baryp júr.
- Tárbıeshimniń osy konkýrsqa qatysý týraly usynysyn men úlken yqylaspen qabyl aldym. Óıtkeni balalardyń atynan osy qorqynyshty aýrýmen kúresýge kómektesken barlyq adamdarǵa alǵysymdy bildirgim keldi», - deıdi Veronıka Lýb.
Baıqaý qorytyndysy boıynsha Veronıka dıplommen, onyń tárbıeshisi Elena Dorn óskeleń urpaqty tárbıeleýdegi erekshe jaýapty qarym-qatynasy úshin alǵys hatpen marapattaldy.
