Dárigerlerdiń qurmetine úılerdiń qasbetine sýret salynýda
NUR-SULTAN. QazAqparat - Nur-Sultan qalasynda koronavırýspen kúresip jatqan dárigerlerdiń beınesi turǵyn úı kesheniniń qasbetinde paıda bolady. Elordanyń shyǵarmashylyq qaýymdastyǵy sýretti medıtsınalyq qyzmetkerlerge arnap salyp jatyr. Bul týraly QazAqparat Jedel shtabqa silteme jasap habarlaıdy.
«Shyǵarmashylyq adamdary onlaın-kontsertter ótkizip, eriktilerge kómektesip jatyr. Adamdar bir-birine qoldaý kórsetý maqsatymen birigýde. Sýretshiler atynan osy shyǵarmashylyq joba arqyly koronavırýspen kúresip jatqan medıtsına salasynyń qyzmetkerlerine rızashylyǵymyzdy bildirip, « Biz birgemiz « jalpyulttyq aktsııasyna qosylamyz. Mýral salýdaǵy basty maqsat ‒ dárigerlerge alǵys bildirý! Sizderge alǵysymyz sheksiz. Bul indetpen kúresip jatqan ár qyzmetkerdi batyr dep sanaımyz. Qala ákimdigine bildirgen qoldaýy úshin alǵys aıtamyz. Úlken shyǵarmashylyq top jumys istep jatyr. Biz birgemiz! » — dedi Krıstına Bekmýrzaeva.
Elorda ákimdigi shyǵarmashylyq qaýymdastyqtyń bastamasyn qoldap, qajetti tehnıkany uıymdastyrýǵa kómek kórsetti.
