Dárigerlerdiń kinásinen múgedek bolyp qalǵan turǵyn sot arqyly 7,5 mıllıon teńge óndirip aldy
Aqmola oblystyq sotynyń sýdıasy, BAQ-pen jumys úılestirýshisi Nurjamal Jumaǵulovanyń aıtýynsha, aıazda úsitip alǵan eki aıaǵy aýyrǵan 62 jastaǵy er adam 2021 jyldyń 5-shi qańtarynan bastap, bes ret aýrýhanyń qabyldaý bólimine dárigerlerden kómek surap barǵan. Alaıda, dárigerler oǵan kómek kórsetýden bas tartqan.
Tek sol jyldyń 9-shy qańtarynda ǵana er adam aýrýhanaǵa «COVID-19 koronavırýstyq ınfektsııasy, ortasha aýyrlyq. Іlespe aýrý: bilek pen aıaq aımaǵyndaǵy tinderdiń nekrozymen úsik shalý, eki aıaqtyń ekinshi dárejeli úsýi» qorytyndy dıagnozymen jatqyzyldy.
«Naýqasta jedel progressıvti ınfektsııa jáne eki aıaǵynyń dymqyl gangrenasy damyǵany eskerilip, 2021 jyldyń 11-shi qańtarynda dárigerlerdiń keńesinde tize býynynan joǵary ampýtatsııa úshin ota jasaý týraly sheshim qabyldandy. Osylaısha, er adam tek tórtinshi kúni aýrýhanaǵa jatqyzylyp, al altynshy kúni ota jasaldy», - dedi Nurjamal Jumaǵulova.
Naýqasqa tıisti medıtsınalyq kómek kórsetpegendikten, tolyq teksermegendikten, onyń jaı-kúıin tolyq baǵalamaýdan, sondaı-aq, 2021 jylǵy 5 jáne 7 qańtarda birneshe ret júgingen kezde aýrýhanaǵa jatqyzýdy keıinge qaldyrý jáne áreketsizdik saldarynan naýqastyń aıaǵyna ampýtatsııa jasalyp, múgedektiktiń 1-shi toby berildi. Bul saraptamalyq qorytyndymen jáne aýrýhanany jospardan tys tekserý aktisimen rastalady.
«Naýqas aýrýhanaǵa moraldyq zııandy óteý týraly sotqa júgindi. Moraldyq zııannyń mólsherin anyqtaý kezinde birinshi satydaǵy sot er adamnyń depressııa, qorlaý, úmitsizdik, zalal, dármensizdik, jaısyzdyq, depressııalyq kúıde bolý sezimderinen kórinetin moraldyq jáne fızıkalyq azapty bastan keshirgenin eskerdi jáne utymdylyq pen ádilettilik qaǵıdattaryn eskere otyryp, onyń paıdasyna aýrýhanadan 7 500 000 teńge mólsherinde moraldyq zııandy óteýdi óndirip aldy. Birinshi satydaǵy sottyń sheshimimen kelispeı, aýrýhana onyń kúshin joıýdy jáne talapty qanaǵattandyrýdan bas tartýdy surady. Alaıda, apellıatsııalyq sottyń qaýlysymen sot sheshimi ózgerissiz qaldy, aýrýhananyń apellıatsııalyq shaǵymy qanaǵattandyrylmady», - dep tolyqtyrdy Nurjamal Jumaǵulova.
Aýrýhanany jospardan tys tekserý materıaldary QR Densaýlyq saqtaý mınıstrligi Medıtsınalyq jáne farmatsevtıkalyq baqylaý komıtetiniń departamentimen sheshim qabyldaý úshin Kókshetaý qalasynyń polıtsııa basqarmasyna jáne Aqmola oblysynyń Densaýlyq saqtaý basqarmasyna joldandy.
«Aqmola oblysy polıtsııa basqarmasy tergeýshisiniń qaýlysyna sáıkes aýrýhananyń medıtsına qyzmetkerleriniń medıtsınalyq kómekti tıisinshe kórsetpegeni týraly sotqa deıingi tergeý materıaly boıynsha is júrgizý toqtatyldy. Tekserý nátıjeleri boıynsha qabyldaý bóliminiń kezekshi dárigerlerin tártiptik jaýapkershilikke tartý týraly dálelder usynylmaǵan. Buıryqtardyń úzindileri boıynsha hırýrgııa bólimshesiniń dárigerlerimen eńbek sharty buzyldy», - dep túıindedi Nurjamal Jumaǵulova.