Dárigerlerdiń qatelikterin esepke alý júıesi ázirlenýde
ASTANA. 18 aqpan. QazAqparat - Medıtsınalyq qyzmet sapasyn jaqsartý maqsatynda dárigerlerdiń qatelikterin esepke alý júıesi ázirlenýde. Bul týraly búgin Parlament Májilisinde densaýlyq saqtaý salasyn damytýǵa arnalǵan Úkimet saǵatynda málim boldy.
Mınıstr Salıdat Qaıyrbekovanyń aıtýynsha, elimizde buǵan deıin Medıtsınalyq qyzmet kórsetýdegi kemshilikterdi esepke alý kartasy bekitilgen. Al 2012 jyldyń qazan aıynda respýblıkanyń 4 óńirinde (Aqmola, Qaraǵandy, Batys Qazaqstan oblystary men Astana qalasynda) Medıtsınalyq qyzmet kórsetýdegi kemshilikterdi esepke alýdyń avtomattandyrylǵan júıesiniń ilki jobasy iske qosylǵan. Al dál osy júıe 2013 jyldan bastap Qazaqstannyń barlyq óńirlerinde enetini kózdelýde.
Toqtala ketetin jaıt, 2012 jyly medıtsınalyq qyzmetke qatysty jeke jáne zańdy tulǵalardyń 1985 ótinishi qaralǵan. Degenmen, sońǵy 3 jyldyń ishinde azamattar tarapynan jasalǵan negizgi shaǵymdarynyń kórsetkishi 25 paıyzǵa tómendegen.
