Dárigerler júkti áıelderdi ekpeden bas tartpaýǵa shaqyrdy
QARAǴANDY. QazAqparat - Aıaǵy aýyr áıelderdiń ekpeden bas tartý jaǵdaılary jıilep ketken. Osyǵan baılanysty Shahtınsk qalasyndaǵy Qoǵamdyq densaýlyq saqtaý basqarmasynyń mamandary bolashaq analarmen kezdesti, dep habarlaıdy «Qazaqparat» HAA tilshisi.
Shahtınsk qalasyndaǵy Qoǵamdyq densaýlyq saqtaý basqarmasynyń mamandary bolashaq analarmen kezdesip, olardy densaýlyq úshin mańyzy zor ekpege qarsylyq bildirmeýge shaqyrdy.
«Immýnızatsııa maǵynasy» dep atalatyn dóńgelek ústel barysynda, mamandar bolashaq analarǵa ekpeden bas tartýdyń nege ákelip soǵatyny jaıly áńgimelep berdi.
«Ekpeden bas tarpaýǵa barynsha keńes beremiz. Bul sizdiń jáne ómir esigin ashatyn balalaryńyzdyń bolashaǵy úshin qajet», - dedi Shahtınsk qalasyndaǵy Qoǵamdyq densaýlyq saqtaý basqarmasynyń mamandary.
Dárigerler áıelderge ekpeniń túrleri men ýaqytyn, aýrýdyń aldyn alý jumystarynyń mán-jaıyn túsindirdi.
Sonymen qatar, ekpe arqyly turǵyndar men balalardy polıomıelıt, dıfterııa, sirespe, gepatıt, qyzylsha sııaqty san túrli ıfektsııalardan qorǵaý qajet ekendigin aıtty.
