Dárigerler jaqyndaryna aýrý juqtyrmas úshin úıine barǵysy kelmeıdi - mınıstr

NUR-SULTAN. QazAqparat - Koronavırýspen kúres kezinde óńirlerde dárigerlerge jataqhanalar men qonaqúıden oryn beriledi. Bul týraly QR Densaýlyq saqtaý mınıstri Eljan Birtanov aıtyp berdi, dep habarlaıdy QazAqparat.

«Búgin memlekettik komıssııa epıdemııaǵa qarsy jáne sanıtarlyq standarttardy múltiksiz oryndaý, medıtsınalyq uıymdardy maqsatty qoldaný jáne karantındik jáne provızorlyq statsıonarlardaǵy medıtsınalyq qyzmetkerlerdi karantındik jaǵdaıǵa aýystyrý týraly sheshim qabyldady. ıAǵnı, naýqastarmen baılanysta bolǵan medıtsınalyq mamandar bul nysandarǵa kelmeýi tıis», - dedi mınıstr Ortalyq kommýnıkatsııalar qyzmetinde ótken brıfıngte.

Onyń aıtýynsha, oblys ákimderi epıdemııa kezindegi jumysta dárigerlerge qonaqúı men jataqhana taýyp, kólikpen jáne tamaqpen qamtamasyz etip jatyr.

«Dárigerlerge tıisti turmystyq jaǵdaı jasalýy kerek. Birqatar óńirler bul jumysty belsendi bastap ketti. Meniń oıymsha medıtsınalyq mamandardyń máseleleri sheshilip, kúdigi seıiledi. Túsinemiz, kóptegen mamandar aýrýdan qaýiptenip, úılerine barǵysy kelmeıdi. Sondyqtan, bul sheshimge tolyq negiz bar», - dedi E. Birtanov.