Dárigerler, zeınetkerler men múgedekterge tegin qyzmet kórsetip jatyr

NUR-SULTAN. QazAqparat - Beeline 16 myń dárigerdi ınternetpen tegin qamtamasyz etti. Bul týraly Ortalyq komýnıkatsııalar qyzmetinde ótken onlaın brıfıngide Beeline Qazaqstannyń bas atqarýshy dırektory Evgenıı Nastradın aıtty, dep habarlaıdy QazAqparat tilshisi.

«Beeline 2020 jylǵa josparlanǵan jelini jańǵyrtý, arnalardy keńeıtý jáne apatty jaǵdaılardy qalpyna keltirý jumystaryn jalǵastyryp jatyr. Jalpy alǵanda elimizdegi barlyq operatorlarmen birigip, myńnan astam eldi mekendi keń jolaqty ınternetpen qamtamasyz etýdi josparlaǵan bolatynbyz. Mysaly, Beeline bıyl qosymsha 76 eldi mekendi ınternetke qosty», - deıdi Beeline Qazaqstannyń bas atqarýshy dırektory Evgenıı Nastradın.

Ol jelimen qamtý – daǵdarysqa qarsy sharalarǵa qosqan jalǵyz úles emes ekenin aıtty.

«Biz tótenshe jaǵdaı kezinde bilim berý resýrstary úshin ınternettiń tegin qoljetimdi bolýyn qamtamasyz ettik. Beeline 16 myń dárigerdi lımıtsiz ınternetpen qamtamasyz ettik. Zeınetkerler men múgedekter, basqasha aıtqanda áleýmettik tarıftegi 100 myńnan astam tutynýshyǵa tegin qyzmet usynyldy», - deıdi ol.