Dárigerler úıde 15 óli jylanmen birge tabylǵan sábıdiń ómirin saqtap qala almady
ASTANA. QazAqparat - Ogaıodaǵy ıesiz úıden tabylǵan bir jarym jastaǵy búldirshin ajal qushty.
Úı ishinde baladan basqa kóptegen janýarlar, solardyń qatarynda 15 jylan bolǵan, dep habarlaıdy New York Post.
Qyzdy ótken senbi kúni atasy men ájesi ıesiz qalǵan úıden tapqan. Sábı ólip jatqan jylandar men mysyqtardyń arasynda jatqan. Sonymen qatar, tiri alyp jylan, qoıan jáne ıt shuǵyl qutqarý qyzmetine jiberildi. 21 aılyq qyz bala aýrýhanaǵa jetkizilgenimen, dárigerler ony ajaldan arashalap qala almady. Iesiz qalǵan bul úıde tórt eresek adam men úsh bala tirshilik keship jatqan.
