Dárigerler ústemeaqysy daǵdarysta ǵana emes, júıeli negizde berilýi tıis - Joldaý

NUR-SULTAN. QazAqparat – Memleket basshysy Qasym-Jomart Toqaev medıtsına qyzmetkerlerine ekinshi jartyjyldyq úshin yntalandyrý ústemeaqysyn tóleýge 150 mlrd teńge bólýdi tapsyrdy, dep habarlaıdy QazAqparat.

«Pandemııadan týyndaǵan daǵdarys bizdi kóp nársege úıretti. Máselen, dárigerlerdiń eńbegin baǵalaýdy. Al bir kezderi medıtsınalyq qyzmetkerler memleket nazarynan tys qalǵan edi. Árıne, mamandyqtyń mańyzdylyǵy materıaldyq qarajatpen bekýi tıis. Eń jaqyn aradaǵy bıýdjetti naqtylaýda medıtsına qyzmetkerlerine ekinshi jartyjyldyq úshin yntalandyrý ústemeaqysyn tóleýge 150 mlrd teńge bólýdi tapsyramyn», - dedi Prezıdent.

Sonymen birge, Prezıdent muny daǵdarys jaǵdaıynda ǵana emes, júıeli negizde jasaý qajettigin aıtty.

«2023 jylǵa qaraı dárigerlerdiń jalaqysy ekonomıkadaǵy ortasha jalaqydan eki ese artyq bolady», - dedi Qasym-Jomart Toqaev.