Dárigerler tuńǵysh ret 3D-prınterde bas súıek jasap, úsh jasar qyz balaǵa saldy
ASTANA. QazAqparat - Qytaıda 17 shildede kishkentaı qyzdy qutqarý boıynsha erekshe ota jasaldy. Dárigerler 3D-prınterde balanyń bas súıegin jasap shyǵaryp, ony naýqasqa saldy.
Han-Han týǵanynan gıdrotsefalııadan zardap shekken. Bul jaǵdaıda onyń mıynda suıyqtyń qaıtý úrdisi buzylǵan. Bas súıekte suıyqtyqtyń jınalýynan balanyń mıy qalypty jaǵdaıdan tórt esege ulǵaıdy. Bas salmaǵy dene salmaǵynyń jartysynan kóp bolǵan.
Ákesi qyzyna qajetti em úshin aqsha jıdy. Dárigerler 3D-skanerleý men 3D-basyp shyǵarýdy paıdalanyp, tıtan torynan úsh ımplant daıyndaǵan. Dárigerlerdiń aıtýynsha, ýaqyt óte tıtan ımplanttary súıek plastınalarymen jabylady.
Han-Hanǵa jasalǵan ota 17 saǵatqa sozyldy. Dárigerler suıyqtyqty shyǵaryp, bas súıeginen alynǵan súıekterdiń ornyna tıtan plastınalaryn ornatty. Olardyń paıymynsha, ýaqyt ótkennen keıin qyz tolyq saýyǵyp kete alady.
Qazir qyz ózdiginen dem alatyn boldy.
