Dárigerler tórt aılyq sábıdiń mıynan tabylǵan tisti alyp tastady
ASTANA. QazAqparat - Amerıkanyń Merılend shtatynyń hırýrg dárigerleri tórt aılyq balaǵa aýyr operatsııa jasap, onyń mıyna ósip shyqqan tisti alyp tastady.
Bul týraly Ýtro.rý jazady.
Tórt aılyq sábıdiń ata-anasy náresteniń basynyń tym tez úlkeıip bara jatqanyn baıqap, dárigerge kelgende, olar tıisti tekserýden soń balanyń mıyna tis ósip shyqqanyn anyqtaǵan.
Hırýrg jáne onkolog mamandardyń aıtýynsha, bul balanyń mıynda týa bitetin sırek kezdesetin isiktiń qalyptasýynan oryn alǵan. Mundaı isikter qatersiz bolsa da, golf dobynyń kólemindeı bolyp ósip, ıis sezý, estý jáne kórý músheleriniń zaqymdalýyna ákeledi eken.
Zertteýshilerdiń aıtýynsha, bul isikter nárestede ol anasynyń qursaǵynda jatqan kezinde-aq paıda bolyp, tis quralatyn jasýshalardan túzilgen.
Otadan keıin náreste ózin qalypty sezinýde, deıdi dárigerler. Áıtkenmen, bul qubylys onyń mıynyń qyzmetin buzǵan. Atap aıtqanda, balanyń aǵzasynda gormondardy durys bólý qyzmetin buzylǵan. Endi ol ómiriniń sońyna deıin dári-dármek ishýge májbúr.
