Dárigerler tiri balany óldige sanap, polıetılen paketke salyp bergen
ASTANA. 8 shilde. QazAqparat - Eki jastaǵy brazılııalyq sábı Kelvın Santos ókpe qabynýynan qaıtys bolady. Dárigerler ata-anasyna balany polıetılendi paketke salyp beredi.
Baıǵus ata-ana túni boıy jylap-syqtap tabyttyń qasynda otyrady. Ertesinde, qoshtasý rásimi kezinde tabytta jatqan bala kenetten basyn kóterip ákesinen sý suraıdy.
Qorqyp ketken týystarynyń jan aıqaıy shyǵypty, al anasy baıǵus qýanǵannan "Ulym bu dúnıege qaıta oraldy" dep jylap jiberedi. Sý suraǵannan keıin kishkentaı Kelvın qaıtadan tabytqa qulaıdy. Budan soń ata-anasy balany tezdetip aýrýhanaǵa jetkizedi. Medıtsınalyq tekseristen keıin Kelvınniń óli ekeni anyqtalady. Al Kelvınder otbasy "balamyz tiri bolǵan eken, dárigerlik qatelik ketipti", - dep dárigerlerdiń ústinen polıtsııaǵa aryz berdi. Degenmen de marqumnyń qatty sasqan ata-anasy kópke deıin uldarynyń óli denesimen ne isterin bilmegen. Kelvınniń ekinshi ret "oıanýy" múmkin ǵoı degen úmitpen olar uldaryn jerleýdi biraz ýaqyt kesheýildetipti de.
Jas Alash
