Dárigerler soqyrlyqty emdeýde jańalyq jasady
ASTANA. QazAqparat - Kóz torynyń qurylymyndaǵy buzylýmen baılanysty soqyrlyq ǵalymdardyń ashqan jańalyǵynyń arqasynda artta qalady, dep jazady Day.Az . Belgili bolǵandaı, ımmýndyq júıeni kóz toryndaǵy jalpy normadan aýytqyǵan qan tamyrlarynan arylýǵa májbúrlýge bolady eken. Sol kezde kózdiń saý ulpalaryna ımmýndyq júıe áser etpeıdi.
Aǵzanyń tabıǵı ımmýndyq qorǵanysy kóz toryndaǵy patologııalyq tamyrly torǵa áser ete alady, ony element retinde esepke alyp, alyp tastaý kerek. Munda basty rol endogendi medıtorlar - ishkiaǵzalyq aqýyzdarǵa berilgen. Olar basqa aqýyzdardy kúsheıtip, fýnktsııalaryn belsendi ete túsedi. Zertteýshi Kıp Konnordyń sózine qaraǵanda, aǵza júıesi elementteriniń áreketin jasandy jolmen qossa, ol adamdardy dıabetti retınopatııa men shala retınopatııadan qutqarady. Ondaı jandarda kórý múmkindigi qan tamyrlarynyń ósýin qadaǵalamaýdan buzylady.
Mundaı tásildiń tıimdiligi tyshqandardyń eki tobyna jasalǵan tájirıbede kezinde dáleldendi. Birinshi topqa genetıkalyq turǵyda ózgeriske ushyraǵan jáne komplement arlyqyly ımmýndyq júıede belsendilikten arylǵandar kirdi. Al ekinshi toptaǵylardyń ımmýnıtetteri qalypty jumys jasaǵan. Keıin janýarlardy olardyń kózderindegi qan tamyrlarynyń normadan tys artatyndaı jaǵdaıda qamaǵan. Ekinshi topta ımmýndyq qorǵanys qarsylyq bildirip, tek patologııalyq tamyr torlaryn óltirip otyrǵan. Al birinshi topta mundaı jaǵdaı oryndalmaǵan.
