Dárigerler soqqyǵa jyǵylǵan aqtóbelik kásipkerdiń jaǵdaıyn aıtty
AQTÓBE. QazAqparat - Soqqyǵa jyǵylyp, eseńgirep qalǵan kásipker qazir aýrýhanada jatyr. Onyń mıy shaıqalǵan, dep habarlaıdy QazAqparat tilshisi.
«Naýqas bizge 25 qyrkúıek kúni kelip tústi. Oǵan bas-mı jaraqaty, bas mı shaıqalýy dıagnozy qoıyldy. Alǵan jaraqaty ortasha aýyr. Qazir em alyp jatyr. Kózinen de soqqy alǵan. Kóz dáriger óz keńesin berip, jaraqattyń zardapsyz jazylatyny týraly aıtty», - dedi oblystyq jedel járdem aýrýhanasynyń dárigeri Nursultan Aıtmýrzın.
Eske salsaq, osy oqıǵaǵa qatysty Qylmystyq kodekstiń «Buzaqylyq» baby boıynsha tergeý júrip jatyr. Kúdikti eki memlekettik qyzmetker jumystan shyǵyp ketken.
