Dárigerler: Smartfon densaýlyqty jaqsarta alady
ASTANA. QazAqparat - Smartfondar olardy durys paıdalaný jaǵdaıynda adamdardyń densaýlyǵyna keri áserin beredi. Bul týraly birqatar zertteýler ótkizgen amerıkandyq ǵalymdar málimdedi.
Oǵash kóringenimen, smartfondardyń kómegimen adamnyń belsendiligin arttyrýǵa bolady. Al bul kóptegen aýrýlar, sonyń ishinde obyrǵa shaldyǵý qaýpin tómendetedi. Bir orynda kóp otyrý ómir salty - keýde, prostata, analyq bezi obyrynyń paıda bolýyna sebep bolady. Budan basqa, ol kádimgi semizdikke jol ashady.
Bul baǵyttaǵy tájirıbelerdi mamandar Amerıka onkologııalyq qoǵamynyń qarajatyna ótkizgen. Tájirıbe barysynda 215 eriktiniń smartfondaryna bir orynda kóp otyrýdyń densaýlyqqa zııany týraly habarlamalar jiberilgen. Nátıjesinde gadjetterdiń ıeleri budan belsendirek bolǵan.
Mobıldik qurylǵysyna eskertý alǵan adamdar osyndaı eskertýlerdi almaǵan baqylaý tobyndaǵylarǵa qaraǵanda 25 paıyz kóp qozǵalǵan.
