Dárigerler Shymkentte snarıadtan zardap shekken turǵyndar týraly aıtty
«Kúndizgi saǵat 11:00-der shamasynda qabyldaý bólimine eki naýqas jetkizildi. Biri 1984 jyly týǵan bolsa, ekinshisi 1998 jyly týǵan. Ekeýi jumys kezinde jaraqat alǵan. 35 jastaǵy naýqastyń sol aıaǵy men sol qolynyń jaraqattan keıingi ampýtatsııasy, súıekteriniń ashyq synýy bolǵan. Oǵan jedel túrde ota jasaldy. Naýqastyń sol aıaǵy men sol qolynyń orta bóliginen ampýtatsııa jasalyp, ota aıaqtaldy. Qazirgi tańda ol jansaqtaý bólimine jatqyzylyp em qabyldaýda. Jaǵdaıy aýyr. Al, ekinshi 21 jastaǵy naýqastyń aıaǵyna ota jasaldy. Onyń da jaǵdaıy aýyr dep baǵalanýda» ,-deıdi Shymkent qalalyq jedel-járdem aýrýhanasynyń bólim meńgerýshisi Sábıt Baıbosynov.
Eske sala ketsek, Shymkentte artıllerııalyq snarıad jarylyp, 2 adam zardap shekkeni týraly buǵan deıin habarlaǵan bolatynbyz.