Dárigerler Shýmaherdi komadan shyǵarý terapııasyn toqtatty
ASTANA. QazAqparat - Nemis avtoshabandozy Mıhael Shýmaher komada jatyr, dárigerler onyń saýyǵyp ketýi úshin bar kúshterin salǵan bolatyn. Biraq bul em nátıje bermedi.
«Onyń densaýlyǵynda eshqandaı jaqsarý joq, dárigerler ony komadan shyǵarý terapııasyn toqtatty», dep habarlaıdy Focus.
Shýmaherdiń densaýlyǵyna qatysty ózge aqparattar joq.
Eske salaıyq, 45 jastaǵy Mıhael Shýmaher eki aıdan beri es-tússiz jatyr. 29 jeltoqsanda ol Frantsııanyń Alpi taýlarynda syrǵanap júrgeninde taý shańǵysynan qulap, basyna asa aýyr zaqym kelgen bolatyn. Qazir álemniń eń tanymal avtoshabandozy Grenobldaǵy aýrýhanalardyń birinde jatyr.
