Dárigerler ShQO-da menıngıtke shaldyqqan sarbazdyń jaǵdaıyn aıtty
ALMATY. QazAqparat - Shyǵys Qazaqstan oblysynyń áskerı bólimshesinde menıngıt ınfektsııasyn juqtyrǵan sarbaz Almatyǵa jetkizildi, dep habarlaıdy «QazAqparat» HAA tilshisi.
Ol merzimdi áskerı qyzmetke Qaraǵandydan shaqyrylǵan.
«Naýqas 25 mamyr kúni I.Jekenova atyndaǵy qalalyq klınıkalyq juqpaly aýrýlar aýrýhanasyna jatqyzyldy. Dıagnozy: menıngokokty menıngıt, menıngokoktsemııa, aýyr túri. Qazirgi jaǵdaıy turaqty aýyr. Gemodınamıkalyq kórsetkishter turaqty», - dedi Densaýlyq saqtaý basqarmasynan.
Qazir sarbaz menıngokokk ınfektsııasyn dıagnostıkalaý jáne emdeý hattamasyna sáıkes terapııa alyp jatyr.
