«Dárigerler saýatty jazýdy qashan úırenedi?» - respýblıkalyq basylymdarǵa sholý

ASTANA. 6 jeltoqsan. QazAqparat - Qazaq aqparat agenttigi respýblıkalyq basylymdarda 6 jeltoqsan, seısenbi kúni shyqqan ózekti materıaldarǵa sholýdy usynady.

***

«Egemen Qazaqstan» basylymy búgingi sanynda «Taǵy jeti partııa partııalyq tizimin tapsyrdy» atty maqala jarııalady. Basylymnyń jazýynsha, Ortalyq saılaý komıssııa­sy­nyń aqparattary boıynsha, Má­jilis de­pý­tat­tyǵyna kandıdat­tar­dyń tizimin tirkeýden ótý úshin Ortalyq saılaý ko­mıs­sııasyna 3 jeltoqsanda Qazaqstan­nyń Kommýnıstik halyqtyq partııasy, al keshe Qazaqstan Patrıottar par­tııa­sy, Qazaqstannyń sotsıal-de­mokratııa­lyq «Aýyl» partııasy, «Ádilet» de­mo­kratııalyq partııa­sy, «Rýhanııat» par­tııa­sy, Jal­py­ulttyq sotsıal-demo­kra­tııalyq partııasy jáne Qazaqstannyń «Aqjol» demokratııalyq partııa­sy partııalyq tizimderin tap­syrdy.

Sondaı-aq osy basylym búgingi sanynda «Jazylǵan jaıdyń jańǵyryǵy» degen aıdarmen birqatar azamattardyń pikirlerin jarııalaǵan. Solardyń biri Jamyl oblysy Baızaq aýdanynyń ákimi Batyrbek Qulekeevtiń «Tarıhı kún tasada qalmaýy kerek» atty maqalasy. Aýdan ákimi onda «1991 jyldyń 1 jeltoqsany árqashanda bizdiń tarıhymyzdyń Birinshi Kúni, Uly Kúni bolyp qala beredi, bar­lyq ýaqyttarda da Qazaq­stan Respýblıkasynyń Tuńǵysh Prezıdenti Nursultan Nazarbaev esimimen tyǵyz baıla­nys­ta bolady. Qazaqstan azamat­tary­nyń 1 jeltoqsandy jal­pyulttyq mereke - Qazaqstan Respýblıkasynyń Tuńǵysh Pre­zıdenti Kúni dep jarııalaý tý­raly kóptegen ótinishteri oǵan naqty aıǵaq bolyp tabylady. Іzgi nıetti otandastarymnyń júrekten shyqqan osynaý ádil tilekterine búkil jan-tánimmen qosylamyn jáne bul Kúnniń biz­diń halqymyzdyń búgingi jáne bolashaqtaǵy eń súıikti merekeleriniń birine aına­la­ry­na berik senemin», degen jol­dar­dy oqyǵan qazaqstan­dyq­tar­dyń: «Durys. Táýelsiz elimizdiń tarıhyna osylaı qaraýymyz kerek», degen oıymen bólisedi.

***

«Aıqyn» basylymy búgingi sanynda «Ǵylym men ınnovatsııa qatar júrýi tıis» atty maqala jarııalady. Maqalaǵa keshe ǵana elimizde Táýelsizdiktiń 20 jyldyǵyna oraı uymdastyrylǵan Innovatsııalyq forýmda kóterilgen máseleler arqaý bolǵan. Basylymnyń jazýynsha, Qazaqstanda Elbasynyń tikeleı tapsyrmasymen kásipkerlerdi qoldaıtyn, reıderlikke qarsy zańnama túzilýde. «Onyń ústine ǵylym men ınnnovatsııany Prezıdenttiń ózi jeke qamqorlyǵyna alǵan deýge bolady. Sondyqtan bolsa kerek, memlekettiń menshigindegi kompanııalar jasampaz ǵalymdar men ónertapqysh ınnovatorlardy demeýge mindettelýde», - dep jazady basylym. Atalmysh jıynda kóterilgen máseleler jóninde «Aıqynnyń» búgingi sanynan keńirek bilýge bolady.

Sondaı-aq atalmysh basylymbúgingi sanynda Ortalyq saılaý komıssııasynyń tóraǵasy Qýandyq Turǵanqulovpen bolǵan suhbatty jarııalady. Atalmysh suhbatta OSK tóraǵasy «El Parlamenti birpartııalyq júıeden kóppartııaly júıege kóshedi. Bul partııalar arasyndaǵy básekelestiktiń artýy jáne ol kóptegen memleketterdiń basyp ótken baspaldaǵy. Bul eldiń damýy kezeńindegi kelesi bir beles. El Táýelsizdiginiń 20 jyldyǵynda Qazaqstan Respýblıkasynyń osyndaı qadamǵa barýy - demokratııalyq damýynyń kórinisi», - degen oılarymen bólisedi. Suhbat «Daýys berý- ár adamnyń azamattyq paryzy» atty taqyryppen basyldy.

***

«Alash aınasy» basylymy búgingi sanynda «Óskeleń urpaqqa tárbıesi berik uıymdar qajet» atty maqala basty. Basylymnyń jazýynsha, balalar men jasóspirimderdiń patrıottyq sezimin qalyptastyrýda ata-ana tárbıesimen qatar oqý oryndarynda oqýshylardy bir maqsatqa jumyldyrý ıdeıasyn júrgizý asa qajet. «Jasyratyny joq, Táýelsizdiktiń alǵashqy 20 jylynda aqsap qalǵannyń biri osy sala. 90-shy jyldardan beri jastardyń boıyna patrıottyq rýhty qalyptastyrýdy, qala berdi, ulttyq ıdeologııany telearnalar júrgizip keldi. Memlekettik telearnalar ulttyq tutastyqty nasıhattaǵany úshin syn men minnen kóz ashpaı keledi. Biraq memleketshildikti jarnamalaý qajet. Sebebi basqa balama joq», - dep jazady basylym.

Sondaı-aq atalmysh basylym búgingi sanynda jaqsy bir másele kóteripti. Basylymnyń jazýynsha, qoǵam dárigerlerdiń túsiniksiz jazýynan qutyla almaı keledi. Olardyń jazyp bergen dıagnozy tańbaly tastaǵydaı tym túsiniksiz. Eldegi aýrýhanalar men emhanalar túgeldeı kompıýterlendirilmegen. Dárigerler aýrý tarıhyn qolmen jazady. Al jazǵandary túsiniksiz. Nátıjesinde olardyń jazýlaryn tipti dárihanashy áriptesteri de túsinbeı jatady. Bul máseleniń jaı-japsaryn «Alash aınasy» basylymynyń búgingi sanyndaǵy «Dárigerler saýatty jazýdy qashan úırenedi?» atta maqaladan bilesizder.

***

«Kazahstanskaıa pravda» basylymynyń jazýynsha, Búgin Lıtva astanasynda Eýropadaǵy qaýipsizdik jáne yntymaqtastyq uıymyna múshe memleketterdiń Syrtqy ister mınıstrleri keńesiniń 18-shi májilisi bastaldy. 56 eldiń ókilderi osy kezdesý barysynda Lıtvanyń halyqaralyq uıymǵa tóraǵalyǵy barysynda Astanada ótken tarıhı Sammıtte qabyldanǵan sheshimder negizindegi atqarǵan isterin taldap, oǵan baǵa beredi. Bul sharaǵa qazaqstandyq delegatsııany Syrtqy ister mınıstri Erjan Qazyhanov bastap barady. Atalmysh jıynǵa baılanysty máseleler jóninde «Kazahstanskaıa pravda» basylymynyń búgingi sanyndaǵy «Dýh Astany» nad Baltıeı» atty maqalada taratylyp jazylǵan.