Dárigerler Sátbaevta oq tıip aýrýhanaǵa túsken jigittiń jaǵdaıyn aıtty

SÁTBAEV. QazAqparat - Keshe Sátbaev qalasynyń ortasynda oq jaraqatyn alǵan 24 jastaǵy jigit travmatologııa bólimine aýystyryldy, dep habarlaıdy QazAqparat tilshisi.

Sátbaevta bolǵan oqıǵa saldarynan 1998 jyly týǵan er adam 18 qazan kúni saǵat 20.09-da Jezqazǵan qalasyndaǵy oblystyq kópsalaly aýrýhananyń qabyldaý bólimine jetkizilgen bolatyn.

Jábirlenýshiniń oq jaraqatynan oń jambasy men jynys músheleri zaqymdanǵan.

«Sonymen qatar, arqasynan jaýyryndardyń aralyǵy pyshaqpen jaraqattalǵan. Súıekteri aman. Shuǵyl túrde jedel emdelýge alynyp, odan ári ýrologııalyq bólimshege jatqyzyldy» dep málim etti dárigerler.

Ulytaý oblysy densaýlyq saqtaý basqarmasynyń baspasóz qyzmeti búgin naýqastyń dárigerler sheshimimen naýqastyń basqa bólimge aýystyrylǵanyn habarlady.

«Patsıenttiń jaǵdaıy turaqty. Qazir ol travmatologııa bólimine aýystyryldy, óıtkeni jaraqattary basym. Sonymen qatar ol ýrologtardyń da baqylaýynda bolady. Tıisti emin alyp, jaraqaty qaıta tańylyp jatyr», - dep habarlady vedomstvoda.

Eske sala keteıik, keshe Sátbaev qalasynda belgisiz bireýler 24 jastaǵy jigitke oq atqan bolatyn.

Búgin osy oqıǵaǵa qatysty eki kúdikti ustaldy.

Vıdeodan alynǵan kadr