Dárigerler Pavlodarda tramvaı astyna túsken balanyń hal-jaıy týraly habarlady
PAVLODAR. QazAqparat - Pavlodar oblystyq balalar aýrýhanasynyń travmatologııalyq bólimshesiniń meńgerýshisi keshe keshkisin tramvaı astyna túsip ketken balanyń hal-jaǵdaıy týraly aıtyp berdi, dep habarlaıdy «QazAqparat» HAA tilshisi.
«Tramvaı astyna túsip ketken on bir jastaǵy bala oblystyq balalar aýrýhanasyna ortasha deńgeıli aýyr jaǵdaıda tústi», - dep habarlady travmotologııa bólimshesiniń meńgerýshisi Serik Nurlanov.
«Balanyń mıy shaıqalǵan, jabyq mı jaraqaty bar, keýdesi jaralanǵan, - dedi dáriger, - tańerteńnen beri jaǵdaıy biraz ońaldy. Qanaǵattanarlyq deýge bolady. Bizde jeti kúndeı jatady. Shyǵarylǵannan keıin nevropotologtyń baqylaýyna alynady», - dedi S.Nurlanov.
Ol aýrýhanaǵa 21 qyrkúıek kúni keshki saǵat toǵyzdarda jetkizildi.
