Dárigerler Mańǵystaýdaǵy atystan zardap shekkenderdiń jaǵdaıy týraly málim etti
AQTAÝ. QazAqparat - Túnde Mańǵystaý oblystyq aýrýhanasyna túrli jaraqattarmen Quryqtyń úsh azamatyn jetkizdi, dep habarlady «QazAqparat» HAA tilshisi.
Olardyń bireýi jalpy hırýrgııada, ekinshisi kardıohırýrgııada, úshinshisi - jalpy jansaqtaý bóliminde jatyr. Sońǵysynyń jaǵdaıy aýyr, dárigerler oǵan áli de boljam jasaı almaı otyr.
«Naýqas túnde túsken. Jaraqatyna qarap ne bolǵanyn boljaý qıyn. Janjal, tóbeles bolǵany belgili. Naýqasqa bytyramadan da oq tıgen, júrek tusynan pyshaq jaraqatyn da alǵan. Jarany tiktik, qazir qalypty», - dedi úsheýiniń biriniń jaǵdaıyn aıtqan kardıologııalyq ortalyq basshysy Jeńis Qozybaev.
Asqazany zaqymdalǵan naýqas jalpy hırýrgııaǵa jatqyzyldy. Jaǵdaıy aýyr naýqasqa qatysty dárigerler: «3 jaraqat, zaqymdanǵan jerleri kóp, negizinen ish qýysy qatty zaqymdanǵan, toq, ash ishegi, jińishke ishek, tós qýysy zaqymdanǵan. Pnevmotoraks... Ota hattamasy mende joq. Jasandy tynys alý apparatyn sheshti, ózi dem alyp jatyr. Asqynýy múmkin, boljam jasaı almaımyz, jaǵdaıy aýyr», - dedi jansaqtaý meńgerýshisi, anestezıolog-reanımatolog Igilıik Serikbaev.
BAQ-ta keshe keshke Quryq aýylynda atys bolyp, onnan astam adam jaraqattanǵanyn habarlaǵan.
Úsheýine aýdandyq aýrýhanada medıtsınalyq kómek kórsetti. Úsheýi Mańǵystaý oblystyq aýrýhanasyna jetkizildi. ІІD baspasóz qyzmetinde bolǵan jaǵdaı týraly málimet taratqan joq. Polıtseıler sebebin anyqtap, kúdiktilerdi izdep jatyr.
