Dárigerler Mańǵystaý ákiminiń orynbasaryna vaktsına salýdan bas tartty

AQTAÝ. QazAqparat - Mańǵystaýlyq dárigerler erikte túrde «Spýtnık-V» vaktsınasyn alýda, dep habarlaıdy QazAqparat tilshisi óńirdiń qoǵamdyq kommýnıkatsııa ortalyǵyna silteme jasap.

«Dáriger retinde men ekpe alý durys dep sanaımyn. Birneshe mınýt buryn maǵan vaktsına saldy. Ózimdi jaqsy sezinemin. Halyqty vaktsınatsııadan bas tartpaýǵa shaqyramyn», - dedi Mańǵystaý oblystyq aýrýhanasynyń dırektory Jánibek Ajmuhanov.

Jánibek Ajmuhanovtyń aıtýynsha, ekpe alǵan barlyq dárigerler ózderin jaqsy sezinedi, eshkimde janama áserler baıqalmaǵan.

Dárigerlerden bólek, Mańǵystaý oblysy ákiminiń orynbasary Gúlmıra Qalmuratova vaktsınany óz erkimen alýǵa sheshim qabyldady. Alaıda, medıtsınalyq kórsetkishter boıynsha ekpeni salý keıinge qaldyryldy.

«Ekpeni salmas buryn patsıent tekserýden ótti. Tekserý nátıjesinde medıtsınalyq qarsy kórsetilimderi bar ekeni anyqtaldy. Jaqsarǵannan keıin ekpeni ala alady. Bul jerde asyǵystyq tanytpaý qajet»,-dedi №2 qalalyq aýrýhananyń dárigeri Toǵjan Nurtazaeva.

Buǵan deıin Mańǵystaýda vaktsına egetin arnaıy 10 bólme daıyndalǵanyn habarlaǵan bolatynbyz.